సీనియర్ జర్నలిస్ట్ ప్రభు దర్శకత్వంలో షకలక శంకర్ ప్రధాన పాత్రల్లో తెరకెక్కుతున్న చిత్రం రాంగ్ గోపాల్ వర్మ . ఒకానొక సమయంలో దర్శకుడిగా మంచి పేరు తెచ్చుకున్న వర్మ గత కొన్నాళ్లుగా వివాదస్పద వ్యాఖ్యలు చేస్తూ నిత్యం వార్తల్లో నిలుస్తున్న సంగతి తెలిసిందే. అర్ధ నగ్న, చిత్రాలు తీస్తూ సామాజిక కాలుష్యానికి కారకుడు అవుతున్నాడని ఈ నేపథ్యంలోనే ఈ చిత్రాన్ని తెరకెక్కిస్తున్నట్లు దర్శకుడు ప్రభు గతంలో చెప్పారు.
ఇప్పటికే ఈ చిత్రానికి సంబంధించి విడుదలైన ప్రోమోలు సినిమాపై అంచనాలు పెంచాయి. మరోవైపు వర్మ లాంటి సంచలన దర్శకుడు పై సినిమా వస్తుండడంతో అందరిలోనూ ఆసక్తి నెలకొంది. ఇదిలా ఉండగా ఈ చిత్రాన్ని డిసెంబర్ 4న ప్రేక్షకుల ముందుకు తీసుకురానున్నారు. శ్రేయస్ ఏటిటి ద్వారా ఈ చిత్రాన్ని విడుదల చేస్తున్నట్లు దర్శకుడు ప్రకటించారు.
