రామ్గోపాల్వర్మపై టీడీపీ నేత బండారు సత్యనారాయణ ఆగ్రహం వ్యక్తం చేశారు. రామ్గోపాల్వర్మ.. ఒక కామ మృగం, దరిద్రుడని మండిపడ్డారు. కులాల గురించి.. ఆర్జీవీ మాట్లాడడం ఏమిటి?, కమ్మ, కాపు కలిస్తే.. ఆర్జీవీకి వచ్చిన ఇబ్బంది ఏంటి? అని బండారు ప్రశ్నించారు. ఆర్జీవీని ఆయన భార్య, కూతురు కూడా అసహ్యించుకుంటున్నారని వ్యాఖ్యానించారు.
జనసేన అధినేత పవన్ కల్యాణ్, టీడీపీ అధినేత చంద్రబాబును కలిసిన నేపథ్యంలో రామ్ గోపాల్ వర్మ మాట్లాడిన మాటలకు టీడీపీ నేతలు కౌంటర్ ఇస్తున్నారు.
ఏపీ రాజకీయాల్లో సరికొత్త సమీకరణలకు వీరిద్దరి భేటీ దారి తీసే అవకాశం ఉందని పలువురు భావిస్తున్నారు.
టీడీపీ, జనసేనల మధ్య పొత్తు పొడవొచ్చనే చర్చ పెద్ద ఎత్తున జరుగుతోంది. ఈ నేపథ్యంలో సినీ దర్శకుడు రామ్ గోపాల్ వర్మ ట్విట్టర్ వేదికగా తనదైన శైలిలో సంచలన వ్యాఖ్యలు చేశారు.
పవన్ కల్యాణ్ ను ఉద్దేశించి తీవ్ర విమర్శలు గుప్పించారు. కేవలం డబ్బు కోసం తన సొంత కాపుల్ని కమ్మోళ్లకు అమ్మేస్తాడని తాను ఊహించలేదని అన్నారు. ‘RIP కాపులు , కంగ్రాట్యులేషన్స్ కమ్మోళ్లు’ అంటూ ట్వీట్ చేశారు. వర్మ ట్వీట్ పై జనసేన కార్యకర్తలు, పవన్ ఫ్యాన్స్ మండిపడుతున్నారు.