పాపుల‌ర్ బ్రిటీష్ అడ్వెంచ‌ర్, టీవీ ప్రజెంట‌ర్ బియ‌ర్ గ్రిల్స్ డిస్క‌వ‌రీ ఛాన‌ల్ లో హోస్ట్‌గా క‌నిపించే మ్యాన్ వర్సెస్ వైల్డ్ గురించి ప్ర‌త్యేకించి చెప్ప‌న‌వ‌స‌రం లేదు. అట‌వీ ప్రాంతాలు, కొండ‌లు, లోయ‌లు, ప‌ర్వ‌త‌ప్రాంతాలు, స‌ముద్రాలు, న‌దీ తీరాల వెంట ప్ర‌యాణిస్తూ..ప్ర‌తికూల వాతావ‌ర‌ణ పరిస్థితుల్లో బియ‌ర్ గ్రిల్స్ చేసే సాహసాలు ఒళ్లు గ‌గుర్పొడిచేలా సాగుతుంటాయి.
ఇప్పటికే ఆయన ప్రధాన నరేంద్ర మోడీ, బాలీవుడ్ స్టార్ అక్షయ్కుమార్, అజయ్దేవగణ్, విక్కీ కౌశల్, సూపర్ స్టార్ రజనీకాంత్ తో.. గ్రిల్స్ చేసిన సాహసాలు గూస్ బంప్స్ తెప్పించాయి. అయితే.. ఇప్పుడు మరో స్టార్ హీరోతో సాహస యాత్రను చేశారు.
ఈ నేప‌థ్యంలో బాలీవుడ్ యాక్టర్ రణ్వీర్ సింగ్ తో కలిసి కళ్లు చెదిరే అడ్వెంచర్స్ చేశారు. దీనికి సంబంధించిన టీజర్ విడుదలైంది. ఇందులో రణ్వీర్ దట్టమైన అడవుల్లో ఓ భయంకరమైన ఎలుగుబంటి నుంచి తప్పించుకుంటున్నట్లు, ఎత్తైన పర్వతాలను రోప్ సాయంతో దాటుతూ కనిపించారు.
‘రణ్వీర్ వర్సెస్ వైల్డ్ విత్ బేర్ గ్రిల్స్’ పేరుతో రానున్న ఈ కార్యక్రమం జులై 8న నెట్ఫ్లిక్స్లో స్ట్రీమింగ్ కానుంది. అయితే.. ఇప్పుడు అందుకు సంబంధించిన వీడియో నెట్టింట వైర‌ల్ అవుతోంది.
