ప్ర‌స్తుతం ఐపీఎల్ జోరు న‌డుస్తుంది. టీంల మ‌ధ్య ఆస‌క్తిక‌ర పోటీ ఫ్యాన్స్‌కు కావాల్సినంత మజా అందిస్తోంది. అయితే, ఈ సీజన్‌లో ఇప్పటివరుకు 18 మ్యాచులు జరిగాయి. ఇక, ఈ సీజన్‌లో రాయల్ ఛాలెంజర్స్ బెంగళూరు అదరగొడుతోంది. పంజాబ్ కింగ్స్‌తో ఓటమి తర్వాత.. వరుసగా హ్యాట్రిక్ విజయాలను అందుకుని పాయింట్స్ టేబుల్‌లో మూడో స్థానంలో నిలిచింది డుప్లెసిస్ సేన. దీంతో ఆర్సీబీ అభిమానులు ఫుల్ ఖుషి అవుతోన్నారు. కాగా, రాయల్ ఛాలెంజర్స్ బెంగళూరు ఫ్రాంఛైజీ.. తన అభిమానులకు అద్దిరిపోయే వార్తను అందజేసింది.
శాండిల్‌వుడ్‌లో టాప్ మూవీ ప్రొడక్షన్ హౌస్ హొంబలె ఫిల్మ్స్‌తో జట్టు కట్టినట్టు ప్రకటించింది. హొంబలె ఫిల్మ్స్ అధినేత, నిర్మాత విజయ్ కిరగందూర్‌తో కలిసి జాయింట్ వెంచర్‌ను ఏర్పాటు చేయనున్నట్లు తెలిపింది. రాకింగ్ స్టార్ యష్ హీరోగా నటించిన పాన్ ఇండియా మూవీ కేజీఎఫ్‌ను నిర్మించింది ఈ నిర్మాణ సంస్థే. కాగా, ఫస్ట్ పార్ట్‌కు సీక్వెల్‌గా నిర్మించిన కేజీఎఫ్ చాఫ్టర్-2 ఈ నెల 14వ తేదీన విడుదల కానుంది. విడుదల తేదీకి కొద్దిరోజుల ముందే హొంబలె ఫిల్మ్స్.. రాయల్ ఛాలెంజర్స్ ఫ్రాంఛైజీతో అసోసియేట్ అయినట్లు తెలిపింది.
ఇందుకు సంబంధించిన విషయాన్ని వెల్లడించడానికి హొంబలె ఫిల్మ్స్ ప్రొడక్షన్ హౌస్ ఓ అద్దిరిపోయే వీడియోను రూపొందించింది. దీన్ని తన అధికారిక ట్విట్టర్ అకౌంట్‌లో పోస్ట్ చేసింది. 1:23 సెకెండ్ల నిడివి ఉన్న ఈ వీడియో కేజీఎఫ్ చాప్టర్-2 ట్రైలర్‌కు ఏ మాత్రం తగ్గట్లేదు. కేజీఎఫ్ యాక్టర్స్‌ను ఆర్సీబీ ప్లేయర్లను మిక్స్ చేస్తూ దీన్ని చిత్రీకరించింది సంస్థ. పవర్‌ఫుల్ అధీరా క్యారెక్టర్‌లో నటించిన సంజయ్ దత్, ఆర్సీబీ కేప్టెన్ ఫాఫ్ డుప్లెసిస్, రవీనా టండన్, గ్లెన్ మ్యాక్స్‌వెల్, యష్, విరాట్ కోహ్లీల కాంబినేషన్‌ను ఇందులో అద్భుతంగా మిక్స్ చేశారు.
శాండిల్‌వుడ్‌లో టాప్ ప్రొడక్షన్ హౌస్‌గా కొనసాగుతోన్న హొంబలె ఫిల్మ్స్.. కేజీఎఫ్, కేజీఎఫ్-2, ప్రభాస్‌తో సలార్ లాంటి పాన్ ఇండియా సినిమాలు రూపొందిస్తోంది. మరోవైపు ఐపీఎల్ టోర్నీలో రాయల్ ఛాలెంజర్స్ బెంగళూరు ఫ్రాంఛైజీకి మంచి ఫ్యాన్ ఫాలోయింగ్ ఉంది. మ్యాచ్ ఎక్కడ జరిగినా.. కన్నడ ఫాన్స్ హంగామా చేస్తారు. ఇక ఫిల్మ్ ఇండస్ట్రీ-స్పోర్ట్స్ సెక్టార్‌లో జాయింట్‌గా పలు కార్యక్రమాలను రూపొందించుకోవడానికి అవసరమైన యాక్షన్ ప్లాన్‌ను రూపొందించుకుంటామని తెలిపింది హొంబలె ఫిల్మ్స్.
ఆర్సీబీ టీమ్‌తో కేజీఎఫ్-2 సహకారం గురించి మరిన్ని వివరాలు త్వరలో వెల్లడించనున్నారు. కాగా హోంబలే ఫిల్మ్స్ నిర్మించిన ఈ చిత్రంలో శ్రీనిధి శెట్టి, రావు రమేష్, ప్రకాష్ రాజ్, రవీనా టాండన్, సంజయ్ దత్ కీలక పాత్రలు పోషించారు. రవి బస్రూర్ సంగీతం అందించారు.
#ನಮ್ಮHombale is proud & ecstatic to associate with #ನಮ್ಮRCB
Together let’s usher into a new era of entertainment with infinite possibilities @RCBTweets @VKiragandur
Born in Bangalore to thrill the nation#RCBxHombale pic.twitter.com/jDJy1wcsVT— Hombale Films (@hombalefilms) April 10, 2022
Advertisements
