రేపటి నుంచి టీచర్ల బదిలీలు!

రాష్ట్రంలో శుక్ర‌వారం నుంచి టీచర్ల పదోన్నతులు, బదిలీల ప్రక్రియ ప్రారంభం కానుంది. ఈ మేరకు విద్యాశాఖ కార్యదర్శి వాకాటి కరుణ జీవో నంబ‌ర్ 5ను గురువారం జారీ చేశారు. వెబ్ కౌన్సెలింగ్ ద్వారా బదిలీలు, మాన్యువల్‌గా పదోన్నతులు జరగనున్నాయి. రేపు కేటగిరీ ఖాళీలు, ప్రధానోపాధ్యాయుల పదోన్నతికి అర్హులైన స్కూల్ అసిస్టెంట్స్ సీనియారిటీ జాబితాలు ఆన్‌లైన్‌లో ప్రకటిస్తారు.

దరఖాస్తులను ఆన్ లైన్ ఈ నెల 28 నుంచి 30 వరకు స్వీకరించనున్నట్టు పేర్కొన్నారు. కాగా ఈ నెల 27 నుంచి మార్చి 4వ తేదీ దాకా 37 రోజుల పాటు ఈ ప్రక్రియ కొనసాగుతుందని స్కూల్ ఎడ్యుకేషన్ అధికారులు ఇంతకు మునుపే ప్రకటించారు.

దరఖాస్తుల హార్డ్​కాపీలను హైస్కూల్ టీచర్లు సంబంధిత హెడ్మాస్టర్లకు.. గవర్నమెంట్ ప్రైమరీ, అప్పర్ ప్రైమరీ స్కూల్ టీచర్లు సంబంధిత ఎంఈఓలకు.. మండల పరిషత్ ప్రైమరీ, యూపీఎస్ టీచర్లు సంబంధిత కాంప్లెక్స్ హెడ్మాస్టర్లకు.. హైస్కూల్ హెడ్మాస్టర్లు డీఈఓలకు జనవరి 31 నుంచి ఫిబ్రవరి 2 దాకా అందించాలి.

ఫిబ్రవరి 3 నుంచి 6 దాకా అప్లికేషన్ల హార్డ్ కాపీలను సంబంధిత హెడ్మాస్టర్లు, ఎంఈఓలు డీఈఓ ఆఫీసులో సమర్పిస్తారు. వాటి పరిశీలన, ఆన్​లైన్‌‌‌‌‌‌‌‌‌‌‌‌‌‌‌‌లో ఆమోదం తదితర ప్రక్రియలు జరుగుతాయి. 7న డీఈఓ/ఆర్జేడీ వెబ్ సైట్లలో బదిలీ పాయింట్లతో ప్రొవిజనల్ సీనియారిటీ లిస్టులు, ప్రమోషన్ల సీనియారిటీ లిస్టులు ప్రకటిస్తారు.

8 నుంచి 10వ తేదీ వరకు మూడు రోజులు అభ్యంతరాల స్వీకరణ, పరిశీలన చేసి.. సమస్యలు ఏమైనా ఉంటే పరిష్కరిస్తారు.11,12 తేదీల్లో ఫైనల్ సీనియారిటీ లిస్టు.. హెడ్మాస్టర్ల బదిలీలకు వెబ్ఆప్షన్ల నమోదు ఉంటుంది.13న మల్టీజోనల్ స్థాయిలో హెడ్మాస్టర్ల వెబ్ ఆప్షన్ల ఎడిటింగ్, పునర్ పరిశీలన ఉంటుంది.14న హెడ్మాస్టర్ల బదిలీ ఉత్తర్వులను ఆర్జేడీలు ఇస్తారు. 15న బదిలీల తర్వాత మిగిలిన ఖాళీల ప్రకటన.

16, 17, 18వ తేదీల్లో అర్హత గలిగిన స్కూల్ అసిస్టెంట్స్ కు ప్రభుత్వ, జిల్లా పరిషత్ మేనేజ్మెంట్ స్కూల్స్ హెడ్మాస్టర్ల ప్రమోషన్ల కౌన్సెలింగ్. 19, 20వ తేదీల్లో సబ్జెక్టుల వారీగా స్కూల్ అసిస్టెంట్ల ఖాళీల ప్రకటన, బదిలీల ఆప్షన్స్ నమోదు. 21న ఆప్షన్ల సవరణ, పునర్ పరిశీలనకు అవకాశం. 22, 23వ తేదీల్లో స్కూల్ అసిస్టెంట్ల బదిలీల ఉత్తర్వులివ్వనున్న డీఈఓలు. 24న స్కూల్ అసిస్టెంట్స్ బదిలీల తర్వాత ఏర్పడిన ఖాళీల ప్రకటన.

25, 26, 27 తేదీల్లో ఎస్జీటీ తత్సమాన కేటగిరీ టీచర్లకు కోర్టు కేసులు లేని సబ్జెక్టులకు మాన్యువల్ కౌన్సెలింగ్ ద్వారా స్కూల్ అసిస్టెంట్ ప్రమోషన్లు.28, మార్చి1, 2 తేదీల్లో ఎస్జీటీ తత్సమాన పోస్టుల ఖాళీల ప్రకటన, వెబ్ ఆప్షన్స్ నమోదు. మార్చి3న ఆప్షన్ల సవరణ, పునర్ పరిశీలన. 4న ఎస్జీటీ తత్సమాన కేటగిరీ టీచర్లకు బదిలీ ఆర్డర్లు.5 నుంచి 19 వరకు డీఈఓ ఇచ్చిన బదిలీ ఉత్తర్వులపై అప్పీల్స్, అభ్యంతరాలను ఆర్జేడీకి, ఆర్జేడీ ఉత్తర్వులపై అప్పీల్స్/ అభ్యంతరాలను స్కూల్ ఎడ్యుకేషన్ డైరెక్టరేట్​కు పంపాలి. సంబంధిత అధికారులు 15 రోజుల్లో వాటిని పరిష్కరించాలి.