పవన్ కళ్యాణ్ పేరు చెప్పగానే తెగ ఫీలైపోతున్నారు మాజీ భార్య, నటి రేణు దేశాయ్. పవన్ తో విడిపోయాక రేణు అకిరా, ఆద్యలతో కలిసి పూణే నివాసం ఉంటుంది. తన లైఫ్ స్టైల్, పిల్లల ఫోటోలను ఇంస్టాగ్రామ్ లో రోజు ఫోటోలను పోస్ట్ చేస్తూ ఉంటుంది. తాజాగా ఓ నెటిజన్ పెట్టిన కామెంట్స్ రేణు కి కోపం తెప్పించిందట.
అకీరా తన చెల్లి ఆద్యను ఎత్తుకున్న ఫొటోను రేణు ఇటీవల ఇన్‌స్టాగ్రామ్‌ల పోస్ట్ చేశారు. దీనికి క్యాప్షన్‌గా 1 2 3 అని లెక్కపెట్టేలోపు నేను నీ ముందు ఉంటా. ఆద్య, అకీరా క్రేజీ ఫెల్లోస్. కానీ వారిద్దరూ నా సొంతం అంటూ రాసుకొచ్చింది. ఈ ఫొటోకి సాయి పవన్ అనే నెటిజన్.. ‘ఎంతైనా పవన్ రక్తం కదా..’ అని కామెంట్ చేశాడు. ఈ కామెంట్ రేణూకి నచ్చలేదు.నెటిజన్ చేసిన కామెంట్‌కు రేణు తనదైన శైలిలో స్పందించారు. టెక్నికల్‌గా చెప్పాలంటే వారిద్దరిలో ప్రవహించేది నా రక్తం. మీకు సైన్స్ తెలిస్తే ఈ మాటకు అర్థం తెలుస్తుందంటూ సమాధానం ఇచ్చారు.
అయితే రేణు చేసిన కామెంట్‌పై చరణ్ అనే మరో నెటిజన్ కామెంట్ చేస్తూ.. ఫ్యాన్స్‌తో ఇంత దురుసుగా మాట్లాడకండి మేడమ్ అంటూ సలహా ఇచ్చాడు. ఇందుకు రేణు సమాధానమిస్తూ ఫ్యాన్స్ నాలో ఉన్న అమ్మతనం గురించి దురుసుగా మాట్లాడొచ్చా’ అని ప్రశ్నించారు. అంతేకాదు ఏ ఆడపిల్లకైనా అన్న ప్రేమ దక్కాల్సిందే అని ఓ నెటిజన్ చేసిన కామెంట్‌కు రేణు రిప్లై ఇస్తూ.. ‘చెప్పాలంటే సోదరి ప్రేమ చాలా అవసరం. అకీరాకు అది కావాల్సినంత దక్కిందంటూ చెప్పుకొచ్చారు రేణు.
Advertisements
గతంలో రేణు పోస్ట్ చేసిన అకిరా ఫోటోలను చూసిన నెటిజన్లు జూనియర్ పవర్ స్టార్ అంటూ కామెంట్స్ చేశారు. ఆ కామెంట్స్ పై స్పందించిన రేణు అకీరాను అలా పిలవకండి.అలా పిలవటం నాకు నచ్చదు అని చెప్పుకొచ్చారు. పవన్ తో విడిపోయిన రేణు కొన్నాళ్ళకు ఓ వ్యాపారవేత్తను వివాహం చేసుకుంటున్నట్లు ప్రకటించారు. నిశ్చితార్థం కూడా అయిపోయింది. అయితే ఇప్పటివరకు రేణు నుంచి ఎలాంటి పెళ్లి మాట రాలేదు.
