జూనియర్ ఎన్టీఆర్, రామ్ చరణ్ ల మెగా కాంబినేషన్లో రాజమౌళి రూపొందించిన ఆర్ఆర్ఆర్ ఇంకో రెండు రోజుల్లో రిలీజ్ కాబోతోంది. అయితే.. BoycottRRR అనే హ్యాష్ ట్యాగ్ ట్విట్టర్ లో ట్రెండ్ కావడం చర్చనీయాంశంగా మారింది. ఈ సినిమా కోసం ప్రపంచవ్యాప్తంగా కోట్లాది మంది ప్రేక్షకులు ఎంతో ఉత్కంఠగా ఎదురు చూస్తున్న స‌మ‌యంలో.. ఇలాంటి నెెగెటివ్ హ్యాష్ ట్యాగ్ ట్రెండ్ కావడంతో ప్రేక్షకులు నిరాశ‌వ్యక్తం చేస్తున్నారు.
ఆర్ఆర్ఆర్ ను కన్నడలో రిలీజ్ చేయకపోవడంతో కన్నడిగులు ఆగ్రహానికి కారణం. ఈ సినిమా ప్రోమోలను కన్నడలో రిలీజ్ చేసి.. చివరికి కన్నడ వెర్షన్ ను రిలీజ్ చేయకపోవడంతో ప్రేక్ష‌క‌లు ఆగ్రహం వ్య‌క్తం చేస్తున్నారు.
పాన్ ఇండియా సినిమాల విషయంలో ప్రతిసారీ ఇలాగే జరుగుతుండటమే కన్నడిగుల ఆగ్రహానికి గుర‌వుతున్నారు. గత ఏడాది చివర్లో వచ్చిన పుష్ప చిత్రాన్ని కూడా కర్నాటకలో చాలా వరకు తెలుగులోనే రిలీజ్ చేశారు. అయితే.. ఈ సినిమాలను డిస్ట్రిబ్యూట్ చేసేది కన్నడిగులే కావడం గ‌మ‌నార్హం. బెంగుళూరు సహా కర్నాటకలోని పెద్ద సిటీల్లో తెలుగు వాళ్లు ఎక్కువగా ఉండటంతో.. తెలుగు వెర్షన్‌కే డిమాండ్ పెరుగుతోంది.
అందుకు తగ్గట్లే స్క్రీన్లు, షోలు కేటాయిస్తున్నారు నిర్వాహ‌కులు. కానీ.. పుష్ఫ కంటే.. ఆర్ఆర్ఆర్ స్థాయి పెద్దది కాబట్టి కన్నడలో దానికి ఓ మోస్తరుగా అయినా స్క్రీన్లు ఇవ్వాల్సింద‌ని కన్నడిగులు కోరుతున్నారు. జెట్ స్పీడ్ లోనే ఈ వివాదంపై క్లారిటీ ఇచ్చారు. ఆర్ఆర్ఆర్ ను కన్నడలో విడుదల చేస్తున్న కేవీఎన్ ప్రొడక్షన్ సంస్థ స్పందించింది. ఎక్కువ థియేటర్సలో కన్నడ వెర్షన్ ను విడుదల చేస్తామని హామీ ఇచ్చారు.
