ఇప్ప‌టికే రష్యా సైనిక దాడిలో ఉక్రెయిన్ ప‌రిస్థితి దారుణంగా మారింది. రష్యా సేనలు.. ఉక్రెయిన్ నగరాల్ని శ్మశానాలుగా మార్చేస్తున్నాయి. ఇది చాలదన్నట్లు లేజర్ రేడియేషన్ ఆయుధాల్ని రష్యా రంగంలోకి దింపుతోంది. దీంతో ఉక్రెయిన్ మరింత నష్టం చ‌విచూడ‌క త‌ప్ప‌దు. అయితే.. ఇదంతా రిహార్సల్ మాత్రమేన‌ని.. అస‌లు యుద్ధం ముందుందంటున్నారు ఎనలిస్ట్ ప్రొఫెసర్ అలెక్సీ ఫెనెంకో.
రష్యా ప్రభుత్వ టీవీలో ఇచ్చిన ఓ ఇంట‌ర్వ్యూలో భాగంగా అలెక్సీ యుద్ధంపై స్పందిస్తూ.. నాటో దళాలకు వ్యతిరేకంగా మారుతుందని హెచ్చరించారు. 3 నెలలుగా యుద్దం జరుగుతున్నా.. దీన్ని యుద్ధం అని రష్యా చెప్పట్లేదని.. ఇదో ప్రత్యేక మిలిటరీ ఆపరేషన్ మాత్రమే అంటోందని వ్యాఖ్యానించారు. రష్యాలోని న్యూస్ ఛానెళ్లలో ఏ వార్త వచ్చినా.. అది ప్రభుత్వ అభిప్రాయమే అవుతుందని.. ప్రభుత్వానికి వ్యతిరేకంగా ఒక్క వార్తా రాదని.. అలాంటిది రష్యా 1 నెట్‌వర్క్ టీవీలో ఈ వారం జరిగిన డిస్కషన్ ప్యానెల్‌లో ప్రొఫెసర్ అలెక్సీ ఫెనెంకో.. “వార్” అనే పదాన్ని వాడారని వ్యాఖ్యానించారు.
అది రష్యా ప్రభుత్వానికి వ్యతిరేకమైన మాట అని వివ‌రించారు. త‌మ అభిప్రాయం ప్రకారం ఉక్రెయిన్‌పై ఈ వార్.. రిహార్సల్ మాత్రమేన‌ని పేర్కొన్నారు. త్వరలోనే అతి పెద్ద యుద్ధం ఉండే ఛాన్సుందని అభిప్రాయ‌ప‌డ్డారు.తాము నాటో ఆయుధాలను.. త‌మ ఆయుధాలతో పోల్చి చూస్తామ‌ని వెల్ల‌డించారు. యుద్ధక్షేత్రంలో.. వారి ఆయుధాల కంటే త‌మ ఆయుధాలు ఎంత శక్తిమంతమైనవో చూపిస్తామ‌ని పేర్కొన్నారు. తద్వారా భవిష్యత్తులో జరగబోయే భారీ యుద్ధాలకు ఇదో అనుభవం అవుతుందని సంచ‌లన వ్యాఖ్యలు చేశారు.
స్వీడన్, ఫిన్‌లాండ్.. నాటోలో చేరేందుకు అప్లై చేసుకున్నాయ‌ని.. అందుకే రష్యాకి ఆగ్రహం వచ్చినట్లుందని వివ‌రించారు. దాని ఫలితమే ఈ ప్రొఫెసర్ వ్యాఖ్యలు అంటున్నారు నిపుణులు. మొత్తంగా చూస్తే రష్యా భారీ యుద్ధానికి ప్లాన్ చేస్తున్నట్లు అనుమానాలు వ్య‌క్తమ‌వుతున్నాయిని అభిప్రాయ‌ప‌డుతున్నారు. రష్యా.. నాటో టార్గెట్ గా యుద్ధం చేస్తే అది మూడో ప్రపంచ యుద్ధానికి దారితీస్తుందంటున్నారు నిపుణులు. దాని ఫలితాలు అత్యంత దారుణంగా ఉంటాయన‌డానికి ఎలాంటి సందేహం లేదంటున్నారు. మూడో ప్రపంచ యుద్ధం త‌లెత్తే ప‌రిస్థితులు రాక‌పోవ‌చ్చు. కానీ.. రష్యా తీరు చూస్తుంటే పుతిన్ ఎప్పుడు ఏం చేస్తాడో అంచనాకి అంద‌డం లేదంటున్నారు నిపుణులు.
