రష్యా, ఉక్రెయిన్ మధ్య యుద్ధం అంతం లేకుండా కొనసాగుతూనే ఉంది. దాదాపు ఏడాదిగా ఈ ఇరు దేశాల మధ్య యుద్ధం హోరాహోరీగా సాగుతోంది. ఒక దేశంపై మరో దేశంపై ఎన్నో రకాలుగా దాడులు చేస్తూనే ఉంది. తాజాగా రష్యా సైనికులు బాణాలతో ఉక్రెయిన్ సైనికులను హతమారుస్తున్నారు. రష్యా సైనికులు యుద్ధంలో విల్లులను సైతం వాడడం చర్చనీయాంశంగా మారింది.
ప్రస్తుతం ఇందుకు సంబంధించిన వీడియో సోషల్ మీడియాలో వైరల్ గా మారింది. ఈ వీడియోను ఉక్రెయిన్ హోమ్ శాఖ మంత్రి సలహాదారు ఆంటోన్ గెరషెంకో ట్విట్టర్ లో షేర్ చేశారు.
ఈ వీడియోలో రష్యా సైనికుడు మెడకు ఓ అత్యాధునిక గన్ ను తగిలించుకుని, చేతులతో విల్లు, బాణాన్ని ఎక్కుపెట్టి ఉక్రెయిన్ సైనికుల కోసం గాలిస్తున్న దృశ్యాన్ని వీడియోలో చూడొచ్చు. ఉక్రెయిన్ సైనికుడు కనిపించిన వెంటనే బాణం విసిరి, వెంటనే తుపాకీ తీసుకుని కాల్పులు జరిపేందుకు అతడు సమాయత్తం అవుతుండడం కనిపిస్తోంది.
గతేడాది ఫిబ్రవరి నుంచి ఉక్రెయిన్, రష్యా మధ్య యుద్ధం కొనసాగుతున్న సంగతి తెలిసిందే. వాస్తవ బలాబలాల ఆధారంగా అయితే నెల రోజుల్లోనే రష్యా సైనిక బలం ముందు ఉక్రెయిన్ తలవొగ్గాల్సి వచ్చేది. కానీ అమెరికా సహా పాశ్చాత్య దేశాలు అత్యాధునిక ఆయుధాలను అందిస్తూ ఉక్రెయిన్ కు అండగా నిలుస్తున్నాయి. దీంతో రష్యాను ఉక్రెయిన్ బలంగా ఎదుర్కొంటోంది. ఇప్పటికే ఇరువైపులా భారీ సంఖ్యలో ప్రాణ నష్టం జరిగింది.
A photo of a Russian soldier from Bashkiriya at war in Ukraine is shared by Russian Telegram channels.
He is armed with bow and arrows. He also has a rifle just in case.
Is there a cavalry riding somewhere? pic.twitter.com/w3YPVD1Xry
— Anton Gerashchenko (@Gerashchenko_en) January 3, 2023