బాలీవుడ్‌ నటుడు సైఫ్‌ అలీఖాన్‌ కుమార్తె సారా అలీ ఖాన్ .. సమ్మర్‌ వేకేషన్‌ కోసం హిమాచల్‌ ప్రదేశ్‌ కి వెళ్లింది. ప్రస్తుతం ఆమె స్పిటి లోయలో విహరిస్తోంది. తాజాగా ఆమె తన సోషల్‌ మీడియాలో తన వెకేషన్‌ కి సంబంధించి కొన్ని ఫోటోలను అభిమానులతో పంచుకుంది.
మనాలిలోని కొన్ని ప్రదేశాలను ఆమె స్విట్జర్లాండ్ తో పోల్చింది. సారాతో పాటు ఆమె తల్లి మరియు ప్రముఖ నటి అమృతా సింగ్ కూడా మనాలీలో సమ్మర్‌ హాలీడేస్‌ను ఎంజాయ్‌ చేస్తున్నారు.సారా సోదరుడు ఇబ్రహీం అలీ ఖాన్ తన మొదటి సినిమా సర్జామీన్ షూటింగ్‌ కోసం దాదాపు ఒక నెల నుంచి మనాలిలోనే ఉంటున్నాడు.
ఈక్రమంలో తన సోదరుడిని చూడడానికి, అలాగే మనాలీ అందాలను వీక్షించడానికి వచ్చింది. సారా తన వేకేషన్‌కు సంబంధించిన తాజా చిత్రాలను షేర్ చేస్తూ.. ‘ మనాలిలో నేను, నా మనసు’ అనే క్యాప్షన్‌ ఇచ్చింది. ప్రస్తుతం ఈ ఫొటోలు సోషల్‌ మీడియాలో వైరల్‌గా మారాయి.
ఇక సినిమాల విషయానికొస్తే.. సారా అలీ ఖాన్ నటించిన గ్యాస్‌లైట్ మార్చి 31, 2023న డిస్నీ ప్లస్ హాట్‌స్టార్‌లో ప్రసారం కానుంది. ఈ సినిమాలో సారా రాహుల్ దేవ్, అక్షయ్ ఒబెరాయ్‌లతో స్క్రీన్‌ షేర్ చేసుకోనుంది.