–నింగిలోకి దూసుకెళ్లిన మూడు ఉపగ్రహాలు
–ఈ ఏడాది ఇదే తొలి ప్రయోగం
–శాస్త్రవెత్తలకు కృతజ్ఞతలు చెప్పిన ఇస్రో చైర్మన్
–నూతన చైర్మన్ గా బాధ్యతలు చేపట్టిన సోమ్ నాథ్
భారత అంతరిక్ష పరిశోధన సంస్థ కొత్త ఏడాదిని విజయంతో ఆరంభించింది. పోలార్‌ శాటిలైట్‌ లాంచ్‌ వెహికల్‌-సి52 ప్రయోగం విజయవంతమైంది. నెల్లూరులోని షార్ కేంద్రం పీఎస్‌ఎల్‌వీ సీ52 రాకెట్ సోమవారం ఉదయం 5.59కి నింగిలోకి దూసుకెళ్లింది. 25.30 గంటల కౌంట్‌ డౌన్‌ అనంతరం పీఎస్‌ఎల్‌వీ రాకెట్.. ఆర్‌ఐశాట్‌-1, ఐఎన్‌ఎస్‌-2టీడీ, ఇన్‌స్పైర్‌శాట్‌-1 ఉపగ్రహాలను నింగిలోకి మోసుకెళ్లింది. 18.31 నిమిషాల తర్వాత ఈ మూడు ఉపగ్రహాలను రాకెట్ కక్ష్యలోకి ప్రవేశపెట్టింది. ఈ విషయాన్ని ఇస్రో ఛైర్మన్‌ డాక్టర్‌ సోమనాథ్‌ ప్రకటించారు.
మూడు ఉపగ్రహాలు కూడా వేరు అయి నిర్ణీత కక్ష్యలోకి చేరాయని సోమ్ నాథ్ తెలిపారు. ఈ ప్రయోగం మొత్తం
నాలుగు దశల్లో పూర్తయిందని ఆయన వెల్లడించారు. భూ పరిశీలన ఉపగ్రహాన్ని 529 కిలో మీటర్ల ఎత్తులో ఉన్న సూర్యను వర్తన ధ్రువ కక్షలోకి ఈ సాటిలైట్ ను నిర్దేశిత కక్ష్యలోకి ప్రవేశపెట్టినట్టు ఆయన తెలిపారు. నిర్ణిత సమయంలో కక్ష్యలోకి ఈఓఎస్ ఉపగ్రహాన్ని శాస్త్రవేత్తలు ప్రవేశపెట్టారని తెలిపారు. ఈ ఏడాది తొలి ప్రయోగం విజయవంతం అయిన నేపథ్యంలో.. శాస్త్రవేత్తలకు ఇస్రో చైర్మన్ సోమనాథన్ అభిననందనలు తెలిపారు.
ఇస్రోకు 2022లో ఇదే మొదటి ప్రయోగం. అంతేకాకుండా ఇస్రో అధిపతిగా ఇటీవల నియామకమైన డాక్టర్‌ సోమనాథ్‌ ఆధ్వర్యంలో చేపట్టిన తొలి ప్రయోగం ఇది. ఇస్రో రేసుగుర్రం పీఎస్‌ఎల్‌వీ వాహకనౌక విజయవంతంగా 54వసారి నింగిలోకి దూసుకెళ్లింది. అందుకు సమహకరించిన శాస్త్రవెత్తలకు సోమ్ నాథ్ కృతజ్ఞతలు తెలిపారు.
ఆర్‌ఐశాట్‌-1: ఈ ఉపగ్రహం ద్వారా ఎక్కువ ప్రయోజనాలు కలుగుతాయి. దీని కాలపరిమితి పదేళ్లుగా ఉంటోంది. రేయింబవళ్లు అన్ని వాతావరణ పరిస్థితుల్లో పనిచేసేలా శాస్త్రవెత్తలు రూపొందించారు. ఉపగ్రహంలో అధిక డేటా నిర్వహణ వ్యవస్థలు, అధిక నిల్వ పరికరాలు ఉన్నాయి. వ్యవసాయం, అటవీ, నీటి వనరుల నిర్వహణ కోసం విలువైన సమాచారం కనుగొనేందుకు ఈ ఉపగ్రహం ఇమేజింగ్‌ డేటా ఉపయోగపడుతోంది. దీని బరువు 1710 కిలోలు ఉంటుందని శాస్త్రవెత్తలు చెప్తున్నారు.
ఐఎన్‌ఎస్‌-2టీడీ: భారత్‌, భూటాన్‌ కలిసి రూపొందించిన ఈ ఉపగ్రహ జీవితకాలం ఆరు నెలలుగా ఉంటోంది. భవిష్యత్తు సైన్సు, ప్రయోగాత్మక పేలోడ్స్‌ కోసం శాస్త్రవెత్తలు దీనిని రూపొందించారు. దీని బరువు 17.5 కిలోలు ఉంటోందని తెలిపారు.
ఇన్‌ స్పైర్‌ శాట్‌-1: విశ్వవిద్యాలయాల విద్యార్థులు తయారుచేసిన ఈ ఉపగ్రహం బరువు 8.1 కిలోలు ఉంటోంది. దీని జీవితకాలం ఏడాది. తక్కువ భూకక్ష్యలో ఉండే ఈ ఉపగ్రహంలో భూమి అయానోస్పియర్‌ అధ్యయనం నిమిత్తం కాంపాక్ట్‌ అయానోస్పియర్‌ ప్రోబ్‌ అమర్చి ఉంటుందని శాస్త్రవెత్తలు స్పష్టం చేశారు.