ది కాశ్మీర్ ఫైల్స్ మూవీ ఎంతటి సంచలన విజయం సాధించిందో చూశాం. చిన్న సినిమాగా విడుదలై.. 2 వందల కోట్లకు పైగా వసూలు చేసింది. కాశ్మీర్ పండిట్లపై జరిగిన ఘోరాల ఆధారంగా ఈ చిత్రం తెరకెక్కింది. అయితే.. దీనిపై అటు ప్రజలు, ఇటు రాజకీయ నాయకులు రెండు వర్గాలుగా విడిపోయి విమర్శలు చేసుకుంటున్న పరిస్థితి నెలకొంది.
ఇక దర్శక ధీరుడు రాజమౌళి తీసిన ఆర్‌ఆర్‌ఆర్‌ సినిమా మార్చి 25న విడుదలైంది. బాక్సాఫీస్‌ పై కనక వర్షం కురిపిస్తోంది. మొదటి రోజు రూ.223 కోట్లకు పైగా రాబట్టిన ఈ చిత్రం తాజాగా రూ.500 కోట్ల మైలురాయిని అధిగమించింది. రాజకీయ, సినీ ప్రముఖులు ఈ మూవీపై ప్రశంసలు కురిపిస్తున్నారు.
అయితే.. ములుగు ఎమ్మెల్యే సీతక్క కాశ్మీర్ ఫైల్స్, ఆర్‌ఆర్‌ఆర్‌ సినిమాలకు లింక్‌ పెట్టి చేసిన వ్యాఖ్యలు ప్రస్తుతం చర్చనీయాంశంగా మారాయి. ఆర్‌ఆర్‌ఆర్‌ సినిమా చూసిన సీతక్క రాజమౌళిని ప్రశంసలతో ముంచెత్తారు. ఎన్టీఆర్‌, రామ్ చరణ్ అద్భుతంగా నటించారన్నారు. ఆర్‌ఆర్‌ఆర్‌ సినిమాను ట్యాక్స్ ఫ్రీ చేయాలని డిమాండ్ చేశారు.
If you want to divide india watch “ kashimir files ” if you want to unite india watch “RRR”
🔥 #RRR should be tax free in all states
🔥My congratulations to @ssrajamouli Garu, unbelievable acting by our brothers @AlwaysRamCharan & @tarak9999 🙏#RRRBlockbuster #ntr #RamCharan pic.twitter.com/SldYyDmqNa— Danasari Anasuya (Seethakka) (@seethakkaMLA) March 28, 2022
Advertisements
ఇదే సందర్భంగా కాశ్మీర్ ఫైల్స్ సినిమాపై స్పందిచిన సీతక్క.. తీవ్రంగా విరుచుకుపడ్డారు. భారతదేశాన్ని విభజించాలి అనుకుంటే “ది కాశ్మీర్ ఫైల్స్” సినిమా చూడాలని.. యూనిటీగా ఉండాలి అనుకుంటే ”ఆర్‌ఆర్‌ఆర్‌” చూడాలని అన్నారు.
