‘శాకుంతలం’ రిలీజ్ డేట్ దగ్గర పడుతుండటంతో, ప్రమోషన్స్ వేగాన్ని పెంచారు మూవీటీమ్. ఏప్రిల్ 14వ తేదీన ప్రపంచ ప్రేక్షకుల ముందుకు తెచ్చేందుకు సర్వం సిద్ధంచేసారు.
అయితే సమంత అభిమానులంతా ‘శాకుంతలం’ సినిమా కోసం ఉవ్విళ్ళూరుతున్నారు. ఆమెను ‘శకుంతల’ పాత్రలో చూడటానికి చాలా క్యూరియస్ గా ఉన్నారు.
ఈ నేపథ్యంలోనే ఈ సినిమాను కొంతసేపటి క్రితం ఈ సినిమా నుంచి 1:12 నిమిషాల నిడివిగల వీడియో సాంగును విడుదల చేశారు. ‘మల్లికా మల్లికా మాలతీ మాలిక .. చూడవా చూడవా ఏడే నా ఏలికా’ అంటూ ఈ పాట సాగుతోంది.
మణిశర్మ స్వరపరిచిన ఈ పాటను రమ్య బెహ్రా మధురంగా ఆలపించింది. గుణశేఖర్ అద్భుతంగా ఈ పాటను చిత్రీకరించారు. దుష్యంతుడి కోసం ఎదురుచూస్తూ శకుంతల పాడుకునే పాటగా ఇది తెరపైకి రానుంది.
దుష్యంతుడిగా దేవ్ మోహన్ నటించిన ఈ సినిమాలో, మోహన్ బాబు .. ప్రకాశ్ రాజ్ .. గౌతమి ముఖ్యమైన పాత్రలలో కనిపించనున్నారు. పాన్ ఇండియా స్థాయిలో నిర్మితమైన ఈ సినిమా, కొత్త రికార్డులను క్రియేట్ చేయడం ఖాయమనే నమ్మకంతో అభిమానులు ఉన్నారు.