ప్ర‌ముఖ‌ఖ నిర్మాత దిల్ రాజు శ్రీ వెంకటేశ్వర క్రియేషన్స్‌లో రూపొందిన మూవీ షాదీ ముబారక్. ఔట్ అండ్ ఔట్ ఫ్యామిలీ ఎంట‌ర్టైన‌ర్ గా తెర‌కెక్కిన ఈ సినిమాలో వీర్‌సాగర్‌, దృశ్యా రఘునాథ్‌ హీరో హీరోయిన్లుగా నటించిగా, పద్మ శ్రీ దర్శకత్వం వహించారు. మార్చి 5న చిత్రాన్ని విడుదల చేయబోతున్నట్లుగా చిత్రయూనిట్‌ అధికారికంగా ప్రకటించింది.
ఈ చిత్రానికి సంబంధించిన ఇటీవల విడుదలైన ఫ‌స్ట్ లుక్‌కు మంచి స్పంద‌న వ‌చ్చిందని, ప్రేక్షకులను కడుపుబ్బా నవ్వించేలా ఈ చిత్రం ఎంటర్‌టైన్‌మెంట్‌ ప్రధానంగా తెరకెక్కిందని మేకర్స్‌ చెబుతున్నారు. త్వరలోనే ట్రైల‌ర్ రిలీజ్ చేయ‌బోతున్నామ‌న్నారు. వీర్‌సాగర్‌, దృశ్యా రఘునాథ్‌, ఝాన్సీ, హేమ, రాజశ్రీనాయర్‌, ప్రియదర్శి రామ్‌, హేమంత్‌, శత్రు, భద్రమ్‌, మధునందన్‌, అదితి, అజయ్‌ ఘోష్ తదితరులు నటించిన ఈ చిత్రానికి సునీల్‌ కశ్యప్ సంగీతం అందించారు.
