బాలీవుడ్ బాద్‌ షా షారుక్ ఖాన్ నుంచి నాలుగేళ్లుగా ఏ సినిమా రాలేదు. పఠాన్ మూవీ చివరి దశలో ఉంది. మరో సినిమా సెట్స్ పైకి వెళ్లింది. తాజాగా అట్లీతో చేసే సినిమా అప్ డేట్ ఇచ్చాడు షారుక్. ఈ చిత్రాన్ని అధికారికంగా ప్ర‌క‌టిస్తూ స్పెష‌ల్ వీడియోను రిలీజ్ చేసి టైటిల్ అనౌన్స్‌మెంట్ చేశారు మేకర్స్.
జవాన్ పేరుతో రూపొందుతున్న ఈ చిత్రంలో షారుక్ ర‌ఫ్ లుక్ లో క‌నిపించి ఆక‌ట్టుకున్నాడు. వీడియో ఆద్యంతం పవర్ ఫుల్ యాక్ష‌న్ సీన్స్‌ తో ఆక‌ట్టుకుంటోంది. సినిమాపై భారీ అంచ‌నాల‌ను క‌లిగిస్తోంది. ఈ సినిమాను 2023 జూన్ 2న హిందీ, త‌మిళ, తెలుగు, మ‌ల‌యాళం, క‌న్న‌డ భాష‌ల్లో విడుద‌ల చేయనున్నట్లు చిత్ర బృందం తెలిపింది.
ఇక ఈ సినిమాలో క‌థానాయిక‌గా న‌య‌న‌తార న‌టిస్తోంది. ఆమె ఓ పవర్ ఫుల్ ఇన్వెస్టిగేటివ్ ఆఫీస‌ర్ పాత్ర‌లో క‌నిపించ‌నుంది. షారుక్ ఓ పాత్ర‌లో రా అధికారిగా, మరో పాత్ర‌లో గ్యాంగ్‌ స్ట‌ర్‌ గా ద్విపాత్రాభిన‌యం చేయనున్నట్లు టాక్.
ఈ మూవీతో పాటు డంకీ, పఠాన్ సినిమాల్లో షారుక్ నటిస్తుండగా… రాకెట్రీ, లాల్ సింగ్ చ‌ద్దా, బ్ర‌హ్మాస్త్ర, టైగ‌ర్ 3లో అతిథి పాత్ర‌లు పోషించాడు.