షవర్మ తిని బాలిక మరణించిన ఘటనలో ఆందోళనకర విషయం వెల్లడైంది. కాసర్ గడ్ లో ఫుడ్ పాయిజనింగ్ కు షిగెల్లా బ్యాక్టీరియానే కారణమని వైద్యాధికారులు అధికారులు గుర్తించారు.
షిగెల్లా బ్యాక్టీరియా ఉన్న ఆహారాన్ని తీసుకోవడంతోనే బాలిక మరణించిందని, మరో 30 మంది అనారోగ్యం పాలైనట్టు వైద్యాధికారులు నిర్ధారించారు..
బాలికతో పాటు 30 మంది నుంచి వైద్యాధికారులు రక్త నమూనాలను సేకరించారు. దీంతో రెస్టారెంట్ లో ఉన్న షవర్మాను కూడా పరీక్షల నిమిత్తం ల్యాబ్ కు పంపారు.
వారి రక్తంలో, షవర్మలో షిగెల్లా బ్యాక్టీరియా ఉనికిని అధికారులు గుర్తించారు. దీంతో ఆ రెస్టారెంట్ సిబ్బంది, యజమానిని పోలీసులు అరెస్టు చేశారు.
షిగెల్లా అనేది ఎంటెరో బ్యాక్టర్ కుటుంబానికి చెందిన ఒక బాక్టీరియా. ఇది మానవునిలో పేగుల్లో జీవిస్తుంది. పేగులపై ఇది ప్రభావాన్ని చూపిస్తుంది. దీంతో అధికంగా విరేచనాలు, కొన్నిసార్లు రక్తస్రావం, కడుపు నొప్పి, జ్వరానికి దారిస్తుంది.
కేరళలోని కాసర్ గడ్ లోని కరివళూర్ కు చెందిన బాలిక దేవానంద(16) స్థానికంగా ఉన్న ఓ రెస్టారెంట్ నుంచి షవర్మ ను ఆదివారం ఆర్డర్ చేసింది. ఆ షవర్మా తిన్న తర్వాత ఆమె అనారోగ్యానికి గురయ్యారు. ఆమె తో మరో 30 మందికి పైగా అనారోగ్యం పాలయ్యారు.
