Common wealth Games 2026: కామన్వెల్త్ గేమ్స్ 2026 నుంచి రెజ్లింగ్ అవుట్ అయిందా? అయితే ఇది ఇండియాకు బ్యాడ్ న్యూస్ అనే చెప్పాలి. కామన్వెల్త్ గేమ్స్ 2026లో ఉండబోయే స్పోర్ట్స్ లిస్ట్ ను మంగళవారం అనౌన్స్ చేశారు. ఈ జాబితాలో రెజ్లింగ్ గేమ్ ని తొలగించారు నిర్వహకులు. కానీ షూటింగ్ ని చేర్చారు నిర్వాహకులు. 2026లో మొత్తం 20 గేమ్స్, 26 క్రీడాంశాలు ఉండనున్నట్లు ఫెడరేషన్ తెలిపింది.
ఈ ఏడాది జరిగిన కామన్వెల్త్ గేమ్స్ లో రెజ్లింగ్ లోనే ఇండియాకు అత్యధిక మెడల్స్ లభించాయి. వీటిలో 6 గోల్డ్, 1 సిల్వర్, 5 కాంస్య పతకాలు ఉన్నాయి. దీంతో భారత్ క్రీడాకారులు, అభిమానులు నిరాశ చెందుతున్నారు. అయితే ఓవరాల్ గా చూసుకుంటే మాత్రం కామన్వెల్త్ చరిత్రలో ఇండియాకు షూటింగ్ లోనే అత్యధిక పతకాలు లభించాయి.
ఇప్పటివరకూ కామన్వెల్త్ గేమ్స్ చరిత్రలో షూటింగ్ విభాగంలో ఇండియాకు 135 మెడల్స్ వచ్చాయి. వీటిలో 63 బంగారు పతకాలు ఉన్నాయి. రెండో స్థానంలో ఉన్న రెజ్లింగ్ 114 పతకాలు వచ్చాయి. వీటిలో 49 గోల్డ్ మెడల్స్ వచ్చాయి. మరోవైపు ఆర్చరీకి కూడా 2026లో జరిగే కామన్వెల్త్ గేమ్స్ లో చోటు దక్కలేదు.
అయితే 2026 కామన్వెల్త్ గేమ్స్ లో షూటింగ్, రెజ్లింగ్ లను చేర్చాలని కామన్వెల్త్ ఫెడరేషన్ ఇండియన్ ఒలింపిక్ అసోసియేషన్ కోరింది. అయితే షూటింగ్ ను పరిగణలోనకి తీసుకున్న ఫెడరేషన్.. రెజ్లింగ్ ను మాత్రం పక్కన పెట్టింది.