అంతర్జాతీయ సంస్థల నుంచి స్టార్టప్ కంపెనీల్లో కలవరం మొదలైంది. ప్రపంచ వ్యాప్తంగా టెక్‌ స్టార్టప్ లలో పెట్టుబడులు పెట్టే అమెరికాకు చెందిన సిలికాన్ వ్యాలీ బ్యాంకు ను ఫెడరల్‌ డిపాజిట్‌ ఇన్య్సూరెన్స్‌ కార్పొరేషన్‌ మార్చి 10న షట్ డౌన్ చేస్తూ ఉత్తర్వులు జారీ చేసింది. దీంతో 2008 ఆర్థిక సంక్షోభం సమయంలో వాషింగ్టన్‌ మ్యూచువల్ తర్వాత అతిపెద్ద బ్యాంకు వైఫల్యంగా ఇది నమోదైంది.
శాంతాక్లారా కేంద్రంగా సిలికాన్ వ్యాలీ బ్యాంక్‌ బ్యాంకింగ్‌ కార్యకలాపాల్ని నిర్వహిస్తుంది. బ్యాంకు డిపాజిట్లు, ఖజానా నిర్వహణ సంస్థలకు లోన్స్‌, ఆన్‌ లైన్‌ బ్యాంకింగ్‌, విదేశీ మారక వాణిజ్యంతో పాటు ప్రపంచ వ్యాప్తంగా వినియోగదారులకు సేవలు అందిస్తుంది. ఎస్‌వీబీ షట్ డౌన్ కు కారణంగా తన పేరెంట్‌ సంస్థ ఎస్‌వీబీ ఫైనాన్షియల్‌ గ్రూప్‌ చేసిన నిర్వాకమేనని తెలుస్తోంది. ఎస్‌వీబీ ఫైనాన్షియల్‌ గ్రూప్‌ తన పోర్ట్‌ పోలియాలో 21 బిలియన్‌ డాలర్ల సెక్యూరిటీలు, 2.25 బిలియన్ల షేర్లను విక్రయించినట్లు ప్రకటన చేసిందని బ్లూమ్‌బెర్గ్‌ నివేదించింది.
ఎస్‌వీబీ బ్యాంకు సైతం నికర వడ్డీ ఆదాయం క్షీణించినట్లు నివేదించింది. ఎస్‌వీబీ అమెరికాలోనే అతి పెద్ద 16 వ బ్యాంక్‌. కాలిఫోర్నియా, మసాచుసెట్స్ లలో 17 బ్రాంచీల నుంచి వినియోగదారులకు సేవలందిస్తుంది. బ్యాంక్‌ ను ఎఫ్‌డీఐసీను షట్ డౌన్ చేసిందన్న వార్తల నేపథ్యంలో ఎస్ వీబీ ఆస్తుల విలువ మంచులా కరిగి 209 బిలియన్లన డాలర్ల నుంచి 175.4 బిలియన్‌ డాలర్లకు పరిమితమైంది.
ఎస్‌వీబీ ప్రకటన రావడంతో మదుపర్ల బ్యాంకులో చేసిన డిపాజిట్లను వెనక్కి తీసుకున్నారు. కష్టకాలంలో అండగా నిలవాల్సిన వెంచర్‌ క్యాపిటలిస్టులు బ్యాంకులో ఉన్న పెట్టుబడులను పరిమితం చేసుకోవాలని, డబ్బును ఉపసంహరించుకోవాలని తమ పోర్ట్‌ఫోలియో వ్యాపార సంస్థలకు ఆదేశాలు జారీ చేశాయి. వెరసి ఎస్‌వీబీ ఫైనాన్షియల్‌ గ్రూప్‌ షేరు 35 ఏళ్లలోనే అత్యంత దారుణంగా ముగిశాయి.
గురువారం నాడు ఏకంగా 60 శాతం షేర్లు క్షీణించడంతో 80 బిలియన్‌ డాలర్ల నష్టం వచ్చింది.సిలికాన్ వ్యాలీ బ్యాంక్‌ టెక్నాలజీ స్టార్టప్ లకు రుణాలు ఎక్కువ ఇచ్చింది. ఈ పరిణామంతో ఇతర బ్యాంకుల పై చూపకపోవచ్చని విశ్లేషకులు అంటున్నారు. ప్రధాన బ్యాంకులకు ఈ తరహా పరిస్థితులు రాకుండా కావలసినంత నిధులున్నాయని చెబుతున్నారు.