రాజకీయ నాయకులు, ప్రభుత్వ ప్రతినిధుల మీటింగ్స్, రోడ్ షోలు, కాన్వాయ్స్ వలన తరచుగా పబ్లిక్ ఇబ్బందులకు గురవుతూ ఉంటారు. అలాంటి ఓ సంఘటన ప్రముఖ సింగర్ శ్రీరామచంద్రకి ఎదురైంది. ఒక పొలిటీషన్ కారణంగా తాను గోవా వెళ్లాల్సిన విమానం మిస్ అయ్యిందని తీవ్ర అసహనం వ్యక్తం చేశాడు శ్రీరామ చంద్ర. తన అసహనం, పబ్లిక్ ఇబ్బందులు తెలియజేస్తూ ఆయన వీడియో ట్విట్టర్ లో పోస్ట్ చేశారు. ప్రస్తుతం ఈ వీడియో వైరల్ గా మారింది.
15 Memebers Including me missed our Flight to Goa 12.45pm today from Hyd, Reason the PV.Narsimharao Airport flyover was manually closed for General Public as there was a Ploitician Travelling to the Airport,Sir @KTR_News @KTRBRS Garu @KTRoffice Garu @TSwithKCR Garu,#inconvenience pic.twitter.com/qlabYTdi80
— Sreerama Chandra (@Sreeram_singer) January 30, 2023
హైదరాబాద్ నుంచి గోవా వెళ్ళడానికి శ్రీరామ్ చంద్ర బయలు దేరిన సమయంలో.. అటుగా ఓ రాజకీయనాయకుడు వెళ్తుండటంతో ఎయిర్ పోర్ట్‌ కు వెళ్లే పివి నరసింహారావు ఫ్లై ఓవర్ ను తాత్కాలికంగా మూసేసారు. దీంతో అటుగా వెళ్లే వాహనదారులు ఇబ్బంది పడ్డారు.
అయితే అదే సమయంలో ఎయిర్ పోర్ట్‌ కు వెళ్లే శ్రీరామ్ చంద్ర కూడా ఆ ట్రాఫిక్ లో ఇరుక్కుపోయాడట.. ఫ్లై ఓవర్ కాకుండా వేరే దారిలో వెళ్లిన కూడా విమానాన్ని అందుకోలేక పోయారట.. తనతో పాటు మొత్తం 15 మంది విమానాన్ని మిస్ అయ్యారని తెలిపాడు.
ఈ మేరకు ఒక సెల్ఫీ వీడియోను షేర్ చేస్తూ.. సీఎం కేసీఆర్ ను, మంత్రి కేటీఆర్ ను, తెలంగాణ ట్రాఫిక్ పోలీసులను ట్యాగ్ చేశాడు శ్రీరామ్ చంద్ర. ఇప్పుడు ఈ వీడియో సోషల్ మీడియాలో వైరల్ గా మారింది. ఇలాంటి ఇన్సిడెంట్స్ మా లైఫ్ లో కూడా ఉన్నాయంటూ పలువురు నెటిజన్స్ కామెంట్స్ చేస్తున్నారు.