టాలీవుడ్ సూపర్ స్టార్ మహేష్ బాబు గారాల పట్టి సితార ఘట్టమనేని గురించి ప్రత్యేకంగా చెప్పాల్సిన అవసరం లేదు. చిన్న వయసులోనే తనకంటూ ప్రత్యేక గుర్తింపు తెచ్చుకొని.. సోషల్ మీడియాలో ఎప్పుడు యాక్టివ్‌గా ఉంటుంది. ఇక, ఇటీవ‌ల సర్కారు వారి పాట సినిమా కోసం పెన్నీ సాంగ్‌లో సితార తళుక్కున మెరిసింది. అంతేకాదు, సీతూ పాప చేస్తున్న మొదటి సినిమా కూడా ఇదే. కాగా, ఇప్పటివరకు వెస్ట్రన్‌ డ్యాన్స్ స్టెప్పులతో ఆకట్టుకున్న ఈ చిన్నారి.. తొలిసారిగా కూచిపూడి డ్యాన్స్ చేసి అందరిని ఆకట్టుకుంది.
ఇందుకు సంబంధించిన వీడియోను మహేశ్ బాబు తన ట్విట్ట‌ర్ ఖాతాలో పోస్ట్ చేశారు. వీడియోలో సితార సాంప్రదాయ దుస్తుల్లో మెరిసిపోతోంది. అంతేకాదు అద్భుతంగా డాన్స్ చేసింది. ప్రస్తుతం ఈ వీడియో సోషల్ మీడియాలో వైరల్ అవుతోంది.
‘సితార మొదటి కూచిపూడి నృత్య ప్రదర్శన ఇది. ఈ శుభప్రదమైన శ్రీరామ నవమి రోజున ఈ వీడియోను మీతో పంచుకోవడం చాలా ఆనందంగా ఉంది. ఈ శ్లోకం రాముడి గొప్పదనాన్ని తెలియజేస్తుంది. నా సీతూ పాప అంకితభావం, తన టాలెంట్‌ చూస్తుంటే.. నాకు చాలా ఆశ్చర్యంగా ఉంది. సితార.. నువ్వు నన్ను మరింత గర్వపడేలా చేస్తున్నావు. సీతూకు కూచిపడి నేర్పించిన గురువులకు ధన్యవాదాలు. ప్రతి ఒక్కరికి శ్రీరామ నవమి శుభాకాంక్షలు’ అంటూ మహేశ్ బాబు వరుస ట్వీట్లు చేశారు.
ఇక, సితార చేసిన డ్యాన్స్‌పై మహేశ్ బాబు అభిమానులు ప్ర‌శంస‌ల జ‌ల్లు కురిపిస్తున్నారు. చిన్నప్పటి నుండే తన యాక్టివ్‌నెస్ ఫోకస్ చేస్తూ.. తండ్రిని మించిన తనయగా సితార భారీ ఫాలోయింగ్ కూడగట్టుకుంది. సోషల్ మీడియాలో ఓ హీరోయిన్ రేంజ్ పాపులారిటీ ఆమెకు ఉందంటే చిన్నారి హవా ఎలా ఉందో అర్థంచేసుకోవచ్చు.
అయితే కొన్ని రోజుల నుంచి సితార ఎక్కువగా డ్యాన్స్ ప్రాక్టీస్ చేస్తూ వచ్చింది. ఆనీ మాస్టర్ నేతృత్వంలో సితార డ్యాన్స్ నేర్చుకుంటూ వచ్చింది. అయితే అదేదో టైం పాస్ కాదని, సర్కారు వారి పాట సినిమా కోసమని తాజాగా తెలిసింది.
Sitara's first Kuchipudi dance recital… Couldn't be happier to present it on this auspicious day of #SriRamaNavami. This Shloka speaks of the greatness of Lord Rama! pic.twitter.com/QKYHqOmXX5
— Mahesh Babu (@urstrulyMahesh) April 10, 2022
Advertisements
