మొన్న జరిగిన ఐదు రాష్ట్రాల ఎన్నికల్లో కాంగ్రెస్‌ పార్టీ ఘోర పరాభవాన్ని చవిచూసింది. హేమాహేమీలైన నేతలే చిత్తుగా ఓడిపోయారు. పంజాబ్ లో అయితే.. ఏకంగా అధికారాన్ని కోల్పోవాల్సి వచ్చింది. ఈ నేపథ్యంలో అధిష్టానం ప్రక్షాళన దిశగా అడుగులు వేస్తోంది.
ఓటమి నేపథ్యంలో ఐదు రాష్ట్రాల పీసీసీ అధ్యక్షులను రాజీనామా చేయాలని ఏఐసీసీ అధ్యక్షురాలు సోనియా గాంధీ ఆదేశించారు. ఉత్తరప్రదేశ్, ఉత్తరాఖండ్, పంజాబ్, గోవా, మణిపూర్ రాష్ట్రాల పీసీసీ అధ్యక్షులు రాజీనామా చేయాలని స్పష్టం చేశారు. ఈమేరకు పార్టీ జనరల్‌ సెక్రెటరీ రణదీప్‌ సుర్జేవాలా ట్వీట్‌ చేశారు.
Congress President, Smt. Sonia Gandhi has asked the PCC Presidents of Uttar Pradesh, Uttarakhand, Punjab, Goa & Manipur to put in their resignations in order to facilitate reorganisation of PCC’s.
— Randeep Singh Surjewala (@rssurjewala) March 15, 2022
Advertisements
వచ్చే సార్వత్రిక ఎన్నికల్లో బలంగా ఉన్న బీజేపీ ఢీకొట్టాలంటే.. పార్టీలో సంస్థాగత మార్పులు చేయాలని సోనియా భావిస్తున్నారు. అందులో భాగంగానే ఈ రాజీనామాలు కోరారని సుర్జేవాలా తెలిపారు.
ఇప్పటికే పంజాబ్ పీసీసీ అధ్యక్షుడు సిద్ధు రాజీనామా చేశారు. కాంగ్రెస్‌ లో మార్పుల కోసం కొందరు సీనియర్లు మీటింగ్‌ ఏర్పాటు చేసుకుంటున్న తరుణంలో సోనియా గాంధీ తీసుకున్న తాజా నిర్ణయానికి ప్రాధాన్యత సంతరించుకుంది.