కాంగ్రెస్ పార్టీ మాజీ అధ్యక్షురాలు సోనియా గాంధీ తన 76 వ బర్త్ డేను వినూత్నంగా సెలబ్రేట్ చేసుకున్నారు. రాజస్తాన్ లో నాలుగు రోజుల పర్యటనలో ఉన్న ఆమె.. శుక్రవారం తన కుమారుడు రాహుల్ గాంధీ, కుమార్తె ప్రియాంక గాంధీలతో కలిసి ఈ రాష్ట్రంలోని వన్యప్రాణుల సంరక్షణ కేంద్రాన్ని విజిట్ చేశారు.
సవాయ్ మధోపూర్ లోని రంథంబోర్ నేషనల్ పార్క్ లో ఓపెన్ జీపులో కొద్దిసేపు కలయదిగారు. ఈ జీప్ సఫారీకి సంబంధించిన ఫోటోలను పార్టీ తన ఇన్స్ టా గ్రామ్ పేజ్ లో పోస్ట్ చేసింది. పులుల సంఖ్యఅధికంగా ఉన్న ఈ నేషనల్ పార్క్ ని సందర్శించేందుకు విదేశాల నుంచికూడా పెద్ద సంఖ్యలో టూరిస్టులు వస్తుంటారు.
సోనియా, రాహుల్, ప్రియాంకల ఫోటోలను అనేకమంది ఆసక్తిగా చూశారు. తలకు మఫ్లర్ చుట్టుకుని సోనియా.. ఈ ఫొటోల్లో విన్నూతంగా కనిపించారు. ఇది పూర్తిగా పర్సనల్ విజిట్ అయినందున పార్టీ నేతలను గానీ, కార్యకర్తలను గానీ ఎవరినీ ఆహ్వానించలేదు.
అయితే సోనియా జన్మదినాన్ని పురస్కరించుకుని ప్రధాని మోడీ, కాంగ్రెస్ చీఫ్ మల్లిఖార్జున్ ఖర్గే, రాజస్థాన్ సీఎం అశోక్ గెహ్లాట్, ఇతర నేతలు ఆమెకు అభినందనలు తెలిపారు.రాహుల్ గాంధీ భారత్ జోడో పాద యాత్ర ప్రస్తుతం ఈ రాష్ట్రంలోని కోట జిల్లాలో కొనసాగుతోంది. యాత్రకు స్వల్పకాలం విరామమిస్తున్నామని, తిరిగి ఈ నెల 10 న ఇది ప్రారంభమవుతుందని పార్టీ నిన్న తెలిపింది. రాజస్థాన్ లో రాహుల్ యాత్ర సుమారు 500 కి. మీ. సాగనుంది. ఈ నెల 21 న యాత్ర హర్యానాలో ప్రవేశిస్తుంది.