వైవిధ్యమైన సినిమాలతో అలరిస్తున్న హీరో శ్రీవిష్ణు.. రామ్ అబ్బరాజు దర్శకత్వంలో ఓ మూవీ చేస్తున్నాడు. అనిల్ సుంకర సమర్పిస్తున్న ఈ చిత్రాన్ని ఏకే ఎంటర్‌టైన్‌మెంట్స్‌ తో కలిసి హాస్య మూవీస్ బ్యానర్‌ పై రాజేష్ దండా నిర్మిస్తున్నాడు. శ్రీవిష్ణు సరసన రెబా మోనికా జాన్ హీరోయిన్ గా నటిస్తోంది.
ఈ సినిమా టైటిల్‌, ఫస్ట్‌లుక్ పోస్టర్ ను ఆవిష్కరించారు మేకర్స్. దీనికి సామజవరగమన అనే టైటిల్‌ ను పెట్టారు. ఫస్ట్ లుక్ పోస్టర్ హిలేరియస్ గా ఉంది. శ్రీవిష్ణు చేతిలో వీణ పట్టుకుని కనిపించగా.. వెన్నెల కిషోర్, నరేష్, శ్రీకాంత్ అయ్యంగార్, రెబా మోనికా జాన్, అతడ్ని కట్టిపడేసిన లుక్ ఎట్రాక్ట్ చేస్తోంది.
బన్నీ నటించిన బ్లాక్ బస్టర్ మూవీ అల వైకుంఠపురములో సామజవరగమన అనే సినిమా పాట ఉంది. అందులోని లిరిక్ నే ఈ సినిమాకు పెట్టారు. భాను బోగవరపు కథను అందించగా, నందు సవిరిగాన సంభాషణలు రాశారు. దర్శకుడు రామ్ అబ్బరాజు స్క్రీన్ ప్లే బాధ్యతలు కూడా నిర్వర్తిస్తున్నాడు.
గోపీ సుందర్ సంగీతం అందిస్తున్న ఈ సినిమా షూటింగ్ చివరి దశకు చేరుకుంది. ఈ ఏడాది వేసవిలో చిత్రాన్ని విడుదల చేస్తామని మేకర్స్ అనౌన్స్ చేశారు.