రాజమహేంద్రవరం: ప్లాస్టిక్ డబ్బాలో తల దూర్చిన ఓ కుక్క దానిని విడిపించుకోలేక అగచాట్లు పడుతోంది. పది రోజులకు పైగా ఆహారం, నీరు తీసుకోలేక ప్రాణాపాయ స్థితిని ఎదుర్కొంటోంది.
ప్లాస్టిక్ డబ్బాలో తల ఇరుక్కుపోయిన ఓ శునకం నీరు, ఆహారం తీసుకోలేక సంకట స్థితి ఎదుర్కొంటోంది. తూర్పు గోదావరి జిల్లా కొత్తపల్లి గ్రామంలో ఆ మూగజీవి ఈనెల 14న ఓ ప్లాస్టిక్ డబ్బాలో తలదూర్చింది. అనుకోకుండా డబ్బా మెడకు ఇరుక్కుపోయింది. వదిలించుకొనేందుకు ఎంత ప్రయత్నించినా డబ్బా ఊడి రాలేదు. తిండి, నీరు అందక 14 రోజులుగా ఇలా వీధుల్లోనే తిరుగుతోంది. రోజు రోజుకీ ఆ మూగజీవి పరిస్థితి క్షీణిస్తోంది. కొందరు యువకులు ఈ దుస్థితి గమనించి, డబ్బా తొలగించేందుకుకు ప్రయత్నించినా శునకం అందకుండా పరిగెడుతున్నందున ఫలితం లేకుండా పోతోంది. పశువైద్యాధికారులైనా స్పందిస్తే బాగుండునని స్థానికులు ఆ కుక్కను చూసి ఆవేదన చెందుతున్నారు.