ప్రపంచవ్యాప్తంగా తెలుగువారే కాకుండా ఇతర భాషల వారు కూడా ఎంతో ఆసక్తిగా ఎదురుచూసిన చిత్రం ట్రిబుల్ ఆర్.. శుక్రవారం ప్రేక్షక లోకాన్ని పలకరించింది. అందరి అంచనాలకు తగ్గటుగానే ఈ సినిమా సూపర్ హిట్ టాక్‌ను సొంతం చేసుకుంది. దీంతో నాలుగేళ్లుగా ఎదురుచూస్తున్న తారక్, చరణ్ అభిమానుల ఆనందాన్ని అవధులు లేకుండా పోయాయి. దేశ సినీ పరిశ్రమలోనే కాదు ఓవర్సీస్‌లో కూడా ట్రిబుల్ ఆర్ సినిమా గురించి మాట్లాడని వారు లేరంటే అతిశయోక్తి కాదు.
దర్శక ధీరుడు రాజమౌళి, జూనియర్ ఎన్టీఆర్, రామ్ చరణ్, కాంబినేషన్లో వచ్చిన ఈ సినిమాపై ప్రముఖ బాలీవుడ్ క్రిటిక్ తరణ్ ఆదర్శ్ అద్భుతమైన రివ్యూ ఇచ్చారు. ట్రిబుల్ ఆర్ చిత్రానికి ఆయన ఫోర్ స్టార్ రేటింగ్‌ ఇచ్చారు. ట్విట్టర్ ద్వారా తరణ్ ఆదర్శ్ ఈ సినిమాపై స్పందించారు
‘ఆర్ఆర్ఆర్’ టెర్రిఫిక్ అంటూ ఒక్క మాటలో తేల్చేశారు. రాజమౌళి మరోసారి అద్భుతం చేశారని కితాబునిచ్చారు. భావోద్వేగాలు, దేశభక్తిని సమ్మిళితం చేసిన గొప్ప చిత్రమని తరణ్ కొనియాడారు. భారీ సక్సెస్ సాధించేందుకు అవసరమైన శక్తి, సామర్థ్యాలు ఈ సినిమాకు ఉన్నాయని చెప్పారు. తారక్, రామ్ చరణ్ ల డ్యాన్స్, నటన అద్భుతంగా ఉన్నాయని కితాబునిచ్చారు. జూనియర్ ఎన్టీఆర్ నటన ‘ఎక్సెప్షనల్’ అని అన్నారు. ఈ చిత్రానికి కావాల్సినంత పవర్ ను జూనియర్ ఎన్టీఆర్ ఇచ్చాడని చెప్పారు. రామ్ చరణ్ ‘ఫెంటాస్టిక్’ అని అన్నారు. ఈ సినిమాలో యాక్షన్, డ్రామా సన్నివేశాలు ఎలక్ట్రిఫయింగ్‌గా ఉన్నాయని చెప్పారు.
అయితే, ‘ఆర్ఆర్ఆర్’లో అలియా భట్‌కు పెద్దగా స్కోప్ లేదని తరణ్ ఆదర్శ్ తెలిపారు. అజయ్ దేవగణ్ పాత్ర ఆకట్టుకునే విధంగా ఉందని చెప్పారు. శ్రీనివాస్ మోహన్ వీఎఫ్ఎక్స్, సెంథిల్ కుమార్ సినిమాటోగ్రఫీ ఈ సినిమాకు ప్రాణం పోశాయని అభిప్రాయం వ్యక్తం చేశారు. సెకండ్ ఆఫ్‌లో సినిమా కొంచెం స్లో అయినప్పటికీ.. క్లైమాక్స్ అదిరిపోయిందని తన రివ్యూలో తెలిపారు.
