అమెరికా మరోసారి కాల్పుల మోతతో ఉలిక్కిపడింది. న్యూయార్క్‌లోని ఓ సూపర్‌ మార్కెట్‌లో దుండగుడు కాల్పులకు తెగబడ్డాడు. ఈ ఘటనలో పది మంది అక్కడికక్కడే మరణించగా.. ముగ్గురికి తీవ్రగాయాలయ్యాయి.
సైనికుడి దుస్తులు, కెమెరా ఉన్న హెల్మెట్ ధరించి తుపాకీతో సూపర్‌ మార్కెట్ లోకి ప్రవేశించిన దుండగుడు.. లైవ్ స్ట్రీమింగ్ చేస్తూ అక్కడున్న వారిపై విచక్షణారహితంగా కాల్పులు జరిపినట్లు పోలీసులు తెలిపారు.
స‌మాచారం అందుకున్న ఎఫ్‌బీఐ అధికారులు.. నిందితున్ని అదుపులోకి తీసుకొని దర్యాప్తు చేస్తున్నారు. నిందితున్ని న్యూయార్క్‌లోని కాంక్లిన్‌కు చెందిన పేటన్ జెండ్రాన్‌గా గుర్తించారు. జాతి విద్వేషమే కారణంగానే నిందితుడు కాల్పులు జ‌రిపిన‌ట్టు అధికారులు వెల్ల‌డించారు.
నల్లజాతీయులు అధికంగా ఉన్న చోట ఇలాంటి ఘటనల‌కు పాల్ప‌డుతున్నట్టు అధికారులు తెలిపారు. ఇతను 11 మంది నల్ల జాతీయులను, ఇద్దరు తెల్ల జాతీయులను కాల్చినట్లు న్యూయార్క్ పోలీసులు తెలిపారు. ఈ ఘటనపై అమెరికా అధ్యక్షుడు జో బైడెన్‌ విచారం వ్యక్తం చేశారు.