కన్నడ రాకింగ్ స్టార్ యష్ నటించిన కేజీఎఫ్ ఫస్ట్ పార్ట్ చాపర్ట్ 1 సినీ ప్రేక్షకులను విపరీతంగా ఆకట్టుకుంది. ఎప్పుడెప్పుడూ చాప్టర్ 2 రిలీజ్ అవుతుందా అని ఎదురుచూస్తున్నారు సినీ ప్రేమికులు. చాప్టర్ 1 బ్లాక్ బస్టర్ అవ్వడంతో చాప్టర్ 2 పై అంచనాలు భారీగా పెరిగాయి. ఇక ఈ సినిమా ఏప్రిల్ 14న ప్రేక్షకులను అలరించడానికి సిద్ధంగా ఉంది. ఈ క్రమంలో మేకర్స్ ప్రమోషన్‌లను ప్రారంభించారు. ఇందులో భాగంగా థియేట్రికల్ ట్రైలర్‌ను విడుదల చేస్తున్నట్లు తాజాగా మేకర్స్ ప్రకటించారు. అందుకు సంబంధించి భారీ ఏర్పాట్లు చేస్తుంది చిత్ర బృందం.
ఇక కేజీఎఫ్ 2 చిత్రం థియేట్రికల్ ట్రైలర్ లాంచ్ ఈవెంట్ ఆదివారం బెంగళూరులో గ్రాండ్‌గా జరగనుంది. బాలీవుడ్ నిర్మాత, దర్శకుడు కరణ్ జోహార్ ఈ ఈవెంట్‌కు హోస్ట్ చేయనున్నారు. అయితే, కన్నడ ట్రైలర్‌ను దివంగత కన్నడ స్టార్ హీరో పునీత్ రాజ్కుమార్ సోదరుడు డాక్టర్ శివ రాజ్కుమార్ లాంచ్ చేస్తారని మేకర్స్ ఇప్పటికే ప్రకటించారు. అలాగే తెలుగు ట్రైలర్‌ను మెగా పవర్ స్టార్ రామ్ చరణ్ ఆదివారం సాయంత్రం 6:40 గంటలకు విడుదల చేయనున్నారు.
ప్రశాంత్ నీల్ దర్శకత్వం వహించిన ఈ సినిమాను హోంబలే ఫిలింస్ నిర్మించారు. ఇక ఈ చిత్రంలో శ్రీనిధి శెట్టి, సంజయ్ దత్, రావు రమేష్, రవీనా టాండన్, ప్రకాష్ రాజ్ ముఖ్యమైన పాత్రలు పోషించారు. ఈ యాక్షన్ డ్రామాకి రవి బస్రూర్ సంగీతం అందించారు. ఈ సినిమా ట్రైలర్ కోసం మూవీ లవర్స్ ఎంతో ఆసక్తితో ఎదురుచూస్తున్నారు.
We are Elated to have the Mega Powerstar @AlwaysRamCharan to launch our #KGFChapter2 Telugu trailer on his birthday. 🤩#HBDRamCharan #KGFChapter2TrailerDay#KGFChapter2Trailer at 6:40 PM today on https://t.co/QxtFZcv8dy (South) & https://t.co/4hTQltJuOv (Hindi) YT Channels. pic.twitter.com/QiXozlMvxC
— Hombale Films (@hombalefilms) March 27, 2022
Advertisements
