బీజేపీ రాష్ట్ర అధ్యక్షుడు నల్గొండ పర్యటన సందర్భంగా ఉద్రిక్తత నెలకొంది. శెట్టిపాలెంలో టీఆర్‌ఎస్‌, బీజేపీ కార్యకర్తలు రాళ్లు విసురుకున్నారు. ఈ ఘటనలో కొందరు తీవ్రంగా గాయపడ్డారు.
ముందుగా బండి పర్యటనను నిరసిస్తూ టీఆర్‌ఎస్‌ శ్రేణులు నిరసన చేపట్టారు. సంజయ్‌ వెనక్కి వెళ్లిపోవాలని నినాదాలు చేశారు. అయితే బీజేపీ కార్యకర్తలు కూడా పోటీగా నినాదాలు చేయడంతో ఉద్రిక్త వాతావరణం నెలకొంది. ఈక్రమంలోనే ఒకరిపై ఒకరు రాళ్లు విసురుకున్నారు.
టీఆర్‌ఎస్‌ కార్యకర్తలపై మండిపడుతూ.. రోడ్డుపై బైఠాయించి ఆందోళనకు దిగారు బీజేపీ శ్రేణులు. అయితే పోలీసులు వారిని చెదరగొట్టారు.
