అమెరికాలోని క్యాపిట‌ల్ భ‌వ‌నం వ‌ద్ద హింసాత్మ‌క ప‌రిస్థితులు నెల‌కొన్న క్ర‌మంలో.. ప్ర‌స్తుత అధ్య‌క్షుడు ట్రంప్నకు సోష‌ల్ మీడియా సంస్థ‌లు షాక్ ఇచ్చాయి. అభ్యంత‌ర‌క‌ర పోస్టులు, వీడియోలు పోస్ట్ చేశార‌నే కార‌ణంతో ఆయ‌న ఆకౌంట్ల‌ను నిలిపివేశాయి. క్యాపిట‌ల్ భ‌వ‌నం వ‌ద్ద ఉద్రిక్త ప‌రిస్థితులు నెల‌కొన్న ప్ర‌స్తుత త‌రుణంలో, అల్ల‌రు, హింస‌ను నివారించేందుకు ఇదే స‌రైన మార్గ‌మ‌ని తాము భావిస్తున్న‌ట్టు ఆయా సోష‌ల్ మీడియా యాజ‌మాన్యాలు ప్ర‌క‌టించాయి.
మొద‌టిసారిగా ట్రంప్ ట్విట్ట‌ర్ అకౌంట్‌ను ఆ సంస్థ 12 గంట‌ల పాటు లాక్ చేసింది. ట్రంప్ తాను చేసిన అభ్యంత‌ర‌క‌ర పోస్టుల‌ను వెంట‌నే తొల‌గించాని సూచించింది. లేదా ఆయ‌న అకౌంట్‌ను శాశ్వ‌తంగా తొల‌గిస్తామ‌ని ట్విట్ట‌ర్ హెచ్చ‌రించింది.
అటు ఫేస్‌బుక్ కూడా ఇదే త‌ర‌హా చ‌ర్య‌లు తీసుకుంది. ట్రంప్ పోస్టులు త‌మ రెండు పాల‌సీల‌కు విరుద్ధంగా ఉన్నాయ‌నే కార‌ణంతో ఆయ‌న అకౌంట్‌ను నిలిపివేసింది. 24 గంట‌ల పాటు బ్యాన్ చేస్తున్న‌ట్టు ప్ర‌క‌టించింది. అటు యూట్యూబ్‌ కూడా.. ట్రంప్ త‌న మ‌ద్ద‌తుదారుల‌ను ఉద్దేశిస్తూ పోస్ట్ చేసిన వీడియోను తొల‌గించింది. తాత్కాలికంగా ఆయ‌న అకౌంట్‌ను లాక్ చేసింది. ఫేస్‌బుక్ సంస్థకు చెందిన ఇన్‌స్టాగ్రామ్ కూడా ఇదే చ‌ర్య‌ను తీసుకుంది.
This is an emergency situation and we are taking appropriate emergency measures, including removing President Trump's video. We removed it because on balance we believe it contributes to rather than diminishes the risk of ongoing violence.
— Guy Rosen (@guyro) January 6, 2021
