ఆడది అబల కాదు అన్యాయం జరుగుతున్నప్పుడు ఆదిపరాశక్తి అవతారమవతుందని నిరూపించారు ఇద్దరు లేడీ కానిస్టేబుల్స్. బ్యాంక్ లూటీకి వచ్చిన ముగ్గురు దుండగుల్ని ధైర్యంగా ఎదుర్కుని తరిమికొట్టారు. బీహార్‌లోని హాజిపూర్‌లో ఉన్న ఓ గ్రామీణ బ్యాంక్ లో ఈ ఘటన చోటు చేసుకుంది. వివరాలల్లోకి వెళ్తే..
హాజీపూర్‌లోని సెందువారి చౌక్ వ‌ద్ద ఉన్న ఉత్త‌ర్ బిహార్ గ్రామీణ బ్యాంకులో జుహి కుమారి, శాంతి కుమారి విధులు నిర్వ‌ర్తిస్తున్నారు. ఆ స‌మ‌యంలో ముగ్గురు వ్య‌క్తులు బ్యాంక్‌లోకి ఎంట‌ర్ అయ్యారు. డాక్యుమెంట్లు చూపించాల‌ని కానిస్టేబుళ్లు ఆ వ్య‌క్తుల్ని అడిగారు. ఆ స‌మ‌యంలో ఓ వ్య‌క్తి త‌న జేబులో ఉన్న పిస్తోల్‌ను తీసి బెదిరించే ప్ర‌య‌త్నం చేశాడు. అప్పుడు జూహి, శాంతి ఒక్క‌సారిగా వారిపై తిర‌గ‌బ‌డ్డారు. వ్య‌క్తిగ‌తంగా ఇద్దరు కానిస్టేబుళ్లు ఆ వ్‌ోక్తుల‌తో ఫైట్ చేశారు.
పాస్‌బుక్ చూపించ‌మ‌ని అడిగితే, ఆ వ్య‌క్తులు గ‌న్ చూపించార‌ని జూహి తెలిపింది. కానీ బ్యాంక్‌లో దొంగ‌త‌నం జ‌ర‌గ‌కుండా, త‌మ ఆయుధాల్ని ఎత్తుకెళ్ల‌కుండా ఆ వ్య‌క్తుల్ని అడ్డుకోగ‌లిగిన‌ట్లు జూహి చెప్పింది. దొంగ‌ల‌తో కానిస్టేబుళ్లు ఫైట్ చేసిన ఘటన సీసీటీవీకి చిక్కింది.
The Gallant act of two lady constables of Bihar Police is laudable. Their bravery thwarted an attempt of Bank Robbery in Vaishali.#Bihar_Police_Action_against_Criminal pic.twitter.com/4Do0pQOPAp
— Bihar Police (@bihar_police) January 18, 2023