ఉక్రెయిన్‌పై రష్యా యుద్ధం ఆదివారంతో 46వ రోజుకు చేరుకుంది. రష్యా బలగాలు మ‌రింత‌గా రెచ్చిపోతూ.. ఉక్రెయిన్‌పై బాంబుల వ‌ర్షం కురిపిస్తోన్నాయి. యుద్ధం కార‌ణంగా ఇరు దేశాల‌కు భారీగా న‌ష్టం జరుగుతోంది. మ‌రీ ముఖ్యంగా ఉక్రెయిన్‌లోని చాలా ప్రాంతాలు శిథిలాల దిబ్బ‌గా మారాయి. సాధార‌ణ పౌరులు సైతం ప్రాణాలు కోల్పోవ‌డం క్ర‌మంగా పెరుగుతోంది. ఈ క్రమంలో యుద్ధంలో మరణించిన ఓ మహిళను ఉద్దేశించి.. తన కూతురు డైరీలో రాసుకున్న లేఖ వైరల్ అవుతోంది.
ఉక్రెయిన్‌లోని బొరోద్యంక ప్రాంతంలో రష్యా సేనల దాడిలో కారులో ప్రయాణిస్తున్న బాలిక తల్లి ప్రాణాలు కోల్పోయింది. దీంతో ‘స్వర్గంలో కలుసుకుందాం అమ్మా..’ అంటూ 9 ఏళ్ల బాలిక తన డైరీలో రాసుకుంది. కాగా, ఆ లేఖను ఉక్రెయిన్ హోంశాఖ మంత్రి సలహాదారు యాంటోన్ జెరెన్ షెంకో ట్విట్టర్లో పంచుకున్నారు. ప్రస్తుతం ఆ లేఖ ఎన్నో హ‌ృదయాలను కన్నీరు పెట్టిస్తోంది.
‘అమ్మా.. మార్చి 8న ఈ లేఖను నీకు అందిస్తున్నాను. నాకు తొమ్మిదేళ్లపాటు మంచి లైఫ్ ఇచ్చినందుకు ధన్యవాదాలు. ప్రపంచంలో నీవే గొప్ప అమ్మవు. నిన్ను నేను ఎప్పటికీ మరవను. ఆకాశంలో నీవు సంతోషంగా ఉండాలి. నీవు స్వర్గానికి చేరుకోవాలి. మనం స్వర్గంలోనే కలుసుకుందాం. స్వర్గానికి వెళ్లేందుకు వీలుగా మంచి నడవడికతో ఉంటాను’ అని బాలిక తన డైరీలో రాసుకుంది.
కాగా. బుచాలో కంటే బోరోడియాంకాలో పరిస్థితి చాలా భయంకరంగా ఉందని ఉక్రెయిన్ అధ్యక్షుడు జెలెన్ స్కీ ఒక సందర్భంలో చెప్పారు. ఉక్రెయిన్‌లో ఇంకా రష్యా బలగాలు దాడులతో విరుచుకుపడుతూనే ఉన్నారు. వారి దాడులను ఉక్రెయిన్ ధీటుగా ఎదుర్కొంటుంది.
Here's the letter from 9-old girl to her mom who died in #Borodianka.
"Mom!
You're the best mom in the whole world. I'll never forget you. I wish you'll get in Heaven and be happy there. I'll do my best to be a good person and get in Heaven too. See you in Heaven!
Galia xx". pic.twitter.com/07l7vfQxM4
— Anton Gerashchenko (@Gerashchenko_en) April 8, 2022
Advertisements
