ఏపీ రాజ‌కీయాలు ప్ర‌స్తుతం గుడివాడ క్యాసినో చుట్టూ తిరుగుతున్నాయి. మంత్రి కొడాలి నాని సంక్రాంతి సంబ‌రాల్లో క్యాసినో నిర్వ‌హించార‌ని టీడీపీ నేత‌లు విమ‌ర్శ‌ల దాడి చేస్తున్నారు. తాజాగా ఆ లిస్టులోకి ద‌ర్శ‌కుడు వ‌ర్మ యాడ్ అయ్యాడు. గుడివాడ క్యాసినోపై త‌న‌దైన స్ట‌యిల్ లో స్పందించాడు.
“గుడివాడ ఆధునీకరణకు శ్రీకారం చుట్టిన మంత్రి కొడాలి నానికి నా పూర్తి మద్దతు తెలుపుతున్నాను. క్యాసినోకు వ్యతిరేకంగా మాట్లాడుతున్న వారంతా పూర్వీకులు… వారికేం తెలియదు” అంటూ సెటైర్లు వేశాడు.
I completely support and appreciate @IamKodaliNani Garu for his initiative to modernise Gudivada ..People talking against the casino are regressive and should be ignored #JaiGudivada
— Ram Gopal Varma (@RGVzoomin) January 19, 2022
మ‌రో ట్వీట్ లో “గుడివాడను ప్యారిస్, లండన్, లాస్ వెగాస్ వంటి నగరాల తరహాలో కొడాలి నాని అభివృద్ధి చేస్తున్నారు. ఇప్పటివరకు గుడివాడ ప్రజలు గోవాకు వెళ్లారు. కానీ గోవా ప్రజలు గుడివాడకు రాలేదు. క్యాసినో కారణంగా వారిని ఇక్క‌డ‌కు వచ్చేలా ఆధునీకరిస్తున్న నానిని అందరూ మెచ్చుకోవాలి” అని అన్నాడు. చివ‌రిలో జై గుడివాడ అంటూ క్యాప్షన్ పెట్టాడు.
. @IamKodaliNani should be admired for placing GUDIVADA on the same level as PARIS, LONDON, LAS VEGAS etc 🙏🙏
— Ram Gopal Varma (@RGVzoomin) January 19, 2022
Advertisements
తనకు న్యాచురల్ స్టార్ నాని మాత్రమే తెలుసని.. ఇంకే నాని తెలియదని కొద్ది రోజుల క్రితం వైసీపీ నేత‌ల‌ను క‌వ్వించిన ఆర్జీవీ.. ఇప్పుడు నాని ఎవరో తనకు బాగా తెలుసన్నట్లుగా చేసిన ట్వీట్స్ వైర‌ల్ అవుతున్నాయి.
