గద్దలకొండ గణేష్

హీరో వరుణ్​తేజ్​ ప్రధాన పాత్రలో నటించిన ‘వాల్మీకి’ పేరును ‘గద్దలకొండ గణేశ్’​గా మార్చుతూ చిత్రబృందం నిర్ణయం తీసుకుంది. కొన్నాళ్లుగా బోయ సామాజిక వర్గాలు ఈ సినిమా టైటిల్ మార్చాలని ఆందోళన చేస్తున్నారు. దీంతో మెగాహీరో వరుణ్​తేజ్ హీరోగా నటిస్తున్న’వాల్మీకి’ పేరు విడుదలకు సరిగ్గా కొద్ది గంటలకు ముందు మారింది. ‘గద్దలకొండ గణేశ్’​ అనే టైటిల్​తో విడుదల చేస్తున్నట్లు చిత్రనిర్మాతలు ప్రకటించారు. బోయ సామాజిక వర్గం అభ్యంతరాన్ని గౌరవించి ఈ నిర్ణయం తీసుకున్నామని వెల్లడించారు. అన్ని థియేటర్లలోనూ మార్చిన పేరుతో సినిమా రానుందని తెలిపారు.