లంచాల విషయంలో ప్రభుత్వ అధికారులకు ఎన్ని విధాలుగా హెచ్చరికలు చేసినా ఎంత మందికి శిక్షలు పడినా సరే కొందరిలో మాత్రం మార్పు అనేది రాదనే మాట వాస్తవం. ఇక మాట్లాడే సమయంలో కూడా కొందరు అధికారులు ఇష్టం వచ్చినట్టుగా మాట్లాడి తమ వ్యక్తిత్వాన్ని కూడా బయటపెట్టుకుంటారు. తాజాగా ఉత్తరప్రదేశ్ లో ఒక పోలీసు అధికారి ఇదే విధంగా లంచం గురించి వివాదాస్పద వ్యాఖ్యలు చేసాడు. స్కూల్ విద్యార్ధులకు చెప్పడానికి వెళ్లి ఇష్టం వచ్చినట్టు మాట్లాడటం పట్ల అందరూ విస్మయం వ్యక్తం చేస్తున్నారు.
ఉత్తరప్రదేశ్‌లోని ఉన్నావ్ జిల్లాలో ‘పోలీస్ కి పాఠశాల’ అనే కార్యక్రమంలో ఒక పోలీసు చేసిన వివాదాస్పద వ్యాఖ్య వివాదాన్ని రేపింది. ఈ కార్యక్రమంలో పాల్గొన్న ఒక పోలీసు అధికారి… 36 సెకన్ల వీడియో క్లిప్‌లో లంచం తీసుకునే పోలీసుల గురించి మాట్లాడాడు. పోలీసులను అత్యుత్తమ డిపార్ట్‌మెంట్‌గా చూపించే ప్రయత్నం ఉన్నతాధికారులు చేస్తున్న సమయంలో… పోలీసులు ఇతర డిపార్ట్‌మెంట్ల మాదిరిగా కాకుండా డబ్బు తీసుకుంటే లేదా ప్రజలు తమకు లంచం గురించి భరోసా ఇస్తే పని చేస్తారని చెప్పాడు.
ఆ వ్యాఖ్యలు చూసి వెనుక ఉన్న అధికారులు కూడా షాక్ అయ్యారు. ఇతర శాఖలు అలా కాదని… లంచం తీసుకుని చాలా మంది పని చేయరని పోలీసులు మాత్రం లంచం తీసుకుంటే మాట నిలబెట్టుకుంటారు అంటూ వివాదాస్పద కామెంట్స్ చేసారు. దీనికి సంబంధించిన వీడియో వైరల్ కావడంతో ఉత్తరప్రదేశ్ పోలీస్ శాఖ స్పందించింది. వీడియో ని పరిశీలించి జిల్లా ఎస్పీ సదరు అధికారిపై శాఖాపరమైన చర్యలు తీసుకోవాలని ఆదేశాలు ఇచ్చారు.
హిందీలో మాట్లాడుతూ, క్లిప్‌లో పోలీసు ఇలా అంటున్నాడు, “దీని కంటే మెరుగైన డిపార్ట్‌మెంట్ లేదు. చాలా నిజాయితీపరుడు. ఈరోజు ఏ డిపార్ట్‌మెంట్ అయినా నిజాయితీగా ఉందంటే అది పోలీసులే. మీరు దానిని మీరే చూడవచ్చు. పోలీసులు మీ నుంచి డబ్బులు తీసుకున్నా లేదా పని పూర్తి చేస్తామని చెప్పినా వారే చేస్తారు. ఏదైనా ఇతర విభాగానికి వెళ్లండి. వారు మీ డబ్బు తీసుకుంటారు కానీ, వారు పని చేయరు.
Video from "Police ki pathshala" in UP's Unnao
Police department is still the most honest department. If police takes money, it gets the job done. Other department keep dilly-dallying.
Video credit: @sanjayjournopic.twitter.com/mUHovttVsx
— Piyush Rai (@Benarasiyaa) December 20, 2021
