ప్రపంచంలో చాలా మంది సామాజిక మాధ్యమాల ద్వారా ఫేమస్ అవుదామని విశ్వప్రయత్నాలు చేస్తున్నారు. తద్వారా డబ్బు సంపాదించాలని అత్యాశకు పోతున్నారు. దీనికోసం వింత వింత వీడియోలు చేసి జనం దృష్టిని ఆకర్షించడానికి ప్రయత్నిస్తున్నారు. ఆడా మగా అన్న తేడాలేదు, చిన్నా పెద్ద అన్న మినహాయింపు లేదు. మంచీ చెడ్డా మర్చిపోయి చట్టవ్యతిరేక కార్యకలాపాలకు సైతం పాల్పడుతున్నారు. ఇటీవలం ఓజంట జంతువులను వేటాడుతూ సోషల్ మీడియాలో వీడియోలు పోస్టోంది.
బరితెగించిన ఈ భార్యాభర్తలకు అమెరికా కోర్టు రూ.కోటి జరిమానా విధించింది. జోష్(32), సారా బౌమర్(33) భార్యాభర్తలు. వీళ్లు బౌమర్ బౌహంటింగ్ అనే యూట్యూబ్ చానెల్ నడిపిస్తున్నారు. జంతువులను వేటాడుతూ, ఆ వీడియోలను ఇందులో పోస్టు చేస్తున్నారు. ఇన్ స్టాగ్రామ్ లోనూ వీడియోలు పెడుతున్నారు.
వీటిని లక్షలాది మంది చూస్తున్నారు. చట్టాన్ని ఉల్లంఘించి హంటింగ్ చేస్తున్నారని, అక్రమంగా జంతువుల అమ్మకం, రవాణా చేస్తున్నారని వీళ్లపై కేసు నమోదైంది. 2015 నుంచి 2017 మధ్య ఈ జంట దాదాపు 100 జంతువులను చంపినట్లు పోలీసులు కోర్టుకు తెలిపారు. మొత్తం 39 మందిని దోషులుగా తేల్చిన నెబ్రస్కా కోర్టు జోష్, సారాకు రూ.1.08 కోట్ల జరిమానా విధించింది.
