విజయ్ ఆంటోనీని స్టార్ హీరోగా మార్చిన సినిమా బిచ్చగాడు. ఈ చిత్రానికి ప్రస్తుతం సీక్వెల్ తెరకెక్కుతోంది. దీనికి బిచ్చగాడు-2 అనే టైటిల్ పెట్టారు. ఈ సినిమాకు అన్నీ తానై వ్యవహరిస్తున్నాడు విజయ్ ఆంటోనీ. ఈ సినిమాలో హీరోగా నటించడంతో పాటు తనే స్వయంగా నిర్మిస్తున్నాడు. అక్కడితో ఆగలేదు. ఈ ప్రాజెక్టుకు దర్శకుడు కూడా ఇతడే. సంగీత దర్శకుడు కూడా ఇతడే. ఎడిటింగ్ బాధ్యతలు కూడా తనే నిర్వర్తిస్తున్నాడు. ఇలా ఎన్నో బాధ్యతలు మోస్తూ ఈ సినిమాను తెరకెక్కిస్తున్నాడు ఆంటోనీ.
కావ్య థాపర్ హీరోయిన్ గా నటిస్తున్న బిచ్చగాడు 2 థీమ్ సాంగ్ ను తాజాగా విడుదల చేశారు. ఆ థీమ్ సాంగ్ ఆద్యంతం ఆసక్తికరంగా సాగుతూ సినిమా కాన్సెప్ట్ ఎలా ఉండబోతోందనే విషయంపై స్పష్టత ఇచ్చింది.
ఈ థీమ్ సాంగ్ చూస్తే …రోల్స్ రాయిస్ కారులో నుంచి స్టార్ హోటల్ దగ్గర దిగిన కథానాయకుడు అక్కడ బిచ్చగాడిలా మేకప్ వేసుకుంటాడు. ఆటోలో బయటకు వెళ్తాడు. అతను వెళ్తున్నది యాంటీ బికిలీ మిషన్ మీద అనేది తర్వాత తెలుస్తుంది. ఈ మిషన్ ఏంటి అనేది సినిమాలో చూడాలి.
చరిత్రను సంపన్నులు రాశారు. పేదల బతుకులు వాళ్లకు తెలియదు. వస్తున్నాడు చరిత్రను మార్చి రాసేందుకు అంటూ యాంటీ బికిలీ లక్ష్యమేంటో థీమ్ సాంగ్ లో చెప్పేశారు. భగవద్గీతలో శ్రీకృష్ణుడు చెప్పిన ధర్మసంస్థాపనార్దయా సంభవామి యుగే యుగే శ్లోకం నేపథ్యంగా వినిపించింది ఆద్యంతం ఆసక్తికరంగా సాగితెన బిచ్చగాడు 2 థీమ్ సాంగ్. భారీ అంచనాల మధ్య ఈ ఏడాదిలోనే థియేటర్లలోకి రాబోతున్నాడు బిచ్చగాడు.
