తిరగబడే రోజు దగ్గరపడింది

హైదరాబాద్: కేసీఆర్ తీరుకు వ్యతిరేకంగా తెలంగాణ ప్రజలు ఉద్యమించాల్సిన సమయం వచ్చేసిందని తెలంగాణ కాంగ్రెస్ ప్రచార కమిటీ చైర్‌పర్సన్ విజయశాంతి అన్నారు. తనకు మద్దతుగా నిలిచి, ఉద్యమాన్ని నడిపించిన ఉద్యోగులు, విద్యార్ధుల పట్ల కేసీఆర్ అధికారం తెచ్చిన అహంకారంతో ప్రవర్తిస్తున్నారని దుయ్యబట్టారు. సీఎం కేసీఆర్ అనుసరిస్తున్న నిరంకుశ ధోరణిని చూసి తెలంగాణ ప్రజలు రగిలిపోతున్నారని తెలంగాణ రాములమ్మతిట్టిపోశారు. సీఎంను గనుక తనమాటే నెగ్గాలని, తనను ప్రశ్నిస్తే ఎంతటి వారినైనా అణచివేయాలనేట్టుగా కేసీఆర్ వ్యవహారం వుందని విజయశాంతి చెప్పారు.

ఆర్టీసీ ఉద్యోగుల విషయంలో ఆధిపత్య ధోరణితో వ్యవహరించడంతో సీఎం అసలు స్వరూపం బయటపడిందని విజయశాంతి అంటున్నారు. రెండు తెలుగు రాష్ట్రాల ప్రజలు ముఖ్యమైన పండుగగా భావించే దసరా పండుగను ఆర్టీసీ సమ్మె కారణంగా బంధువులతో కలిసి జరుపుకోలేని దారుణ స్ధితికి కేసీఆర్ మొండి వైఖరే కారణమని చెప్పారు. అందరి ఆనందాన్ని ఆవిరి చేసి, తాను, తన కుటుంబం మాత్రం దసరా పండుగను జరుపుకోవాలనుకోవడం కేసీఆర్ దొరతనానికి నిదర్శనమని ఆమె చెప్పారు.