సంగారెడ్డి జిల్లాలో జొన్న రొట్టెల పిండి.. ఓ కుటుంబాన్ని బలి తీసుకుంది. ఇంట్లో నిల్వ చేసుకున్న పిండితో రొట్టెలు చేసుకొని తిన్న వారంతా వ‌రుస‌గా మృత్యువాత‌ప‌డ్డారు. పిండిలో విష పదార్థం క‌లిసిన విష‌యం తెలియక 15 రోజుల వ్య‌వ‌ధిలో ఒకే కుటుంబానికి చెందిన న‌లుగురు ప్రాణాలు కోల్పోయారు.
వ‌ట్‌ప‌ల్లికి చెందిన ఓ కుటుంబ సభ్యులు రాత్రి రొట్టెలు చేసుకుని తిన్నారు. అయితే అందులో విషం క‌లిసి ఉండ‌టంతో అది తిన్న‌వారిలో ముగ్గురు మృతి చెందగా.. మరో ఇద్దరి పరిస్థితి విషమంగా మారింంది. వెంట‌నే బాధితులిద్ద‌రిని చికిత్స కోసం హైదరాబాద్‌కు తరలించారు.
ఇదే కుటుంబానికి చెందిన మహిళ 15 రోజుల కిందట హ‌ఠాన్మ‌ర‌ణం చెందింది. ఈ క్ర‌మంలో చనిపోయిన మహిళ వినియోగించి పిండితోనే.. రాత్రి మ‌ళ్లీ కుటుంబ సభ్యులు రొట్టెలు చేసుకొని తిన్నారు. తొలుత వ‌రుస మ‌ర‌ణాల‌కు కార‌ణం ఎవ‌రికీ అర్థం కాలేదు. అయితే చ‌నిపోవ‌డానికి ముందు అంద‌రూ రొట్టెలు తిని ఉండ‌టంతో…. జొన్నపిండిలో విష పదార్థం కలిసినట్లు అనుమానం వ్యక్తం చేస్తున్నారు. తాజా ఘ‌ట‌న‌తో వ‌ట్‌ప‌ల్లి గ్రామం విషాదంలో మునిగిపోయింది.
