వైద్యం గురించి తెలుసుకునే విషయాలను కూడా మనం కనీసం అడిగి తెలుసుకునే ప్రయత్నం చేయం. అలాంటి విషయమే ఒకటి ఇంజెక్షన్, నరాలకు చేయడం లేదా శరీర అవయవాలకు చేయడం. ఇంజెక్షన్ ను బట్టి ఇలా చేస్తూ ఉంటారు. అసలు దానికి కారణం ఏంటీ…? అనేది ఒకసారి తెలుసుకుందాం.
Also Read:కమల్ కు మెగాస్టార్ సన్మానం.. సల్మాన్ ఎంట్రీ!
ఇంజెక్షన్ అనేది చాలా రకాలు ఉంటుంది. కాని మనం చూసేది మాత్రం కేవలం రెండు రకాలే. ఒకటి కండరాలకు వేసేది ఇంకోటి నరాలకు వేసేది. ఏదైనా మందును మనం నోటి ద్వారా కడుపులోకి తీసుకుంటే అది జీర్ణ వ్యవస్థనుండి పీల్చుకుని ఆ తరువాత రక్తం ద్వారా శరీరంలోని ఇతర భాగాలకు సరఫరా అయి మనకు రోగాన్ని నయం చేస్తుంది. అయితే మనిషి నోటి ద్వారా మందు తీసుకోలేని పరిస్థితిలో లేక ఆ మందులు జీర్ణవ్యవస్థకు హాని కలిగించే అవకాశం ఉన్న సమయంలో…
జీర్ణ వ్యవస్థ లో వాటి శక్తిని కోల్పోయే పరిస్థితి ఉన్నపుడు ఇంజెక్షన్ తో కండరాల ద్వారా రక్తంలోకి మందుని పంపిస్తారు. దీనిని కండరాలకు చేసే ఇంజక్షన్ అని పిలుస్తారు. ఈ ఇంజక్షన్ ద్వారా మందు నోటి ద్వారా తీసుకునే దానికన్నా త్వరగా ఉపయోగం ఉంటుంది. ఇక మరో ఇంజెక్షన్ విషయానికి వస్తే… కొన్ని సందర్భాలలో మందు చాలా త్వరగా శరీర అవయవాలకు చేరాల్సిన అవసరముంటే దాన్ని నరాల ద్వారా పంపితే వెంటనే అది ఉపయోగపడుతుంది. అప్పుడే మందును ఇంజెక్షన్ తో నరాల ద్వారా రోగి శరీరంలోకి పంపిస్తారు. ఇక రోగి తినలేని పరిస్థితిలో కూడా పోషక పదార్ధాలను ఇంజెక్షన్ రూపంలో శరీరంలోకి పంపిస్తారు.
Also Read:సువేందు అధికారిని అడ్డుకున్న పోలీసులు
