క‌రోనా నేప‌థ్యంలో ఇండ్ల‌లోనే ఉంటున్న వారు జూమ్ వంటి యాప్‌ల‌ను వీడియో కాన్ఫ‌రెన్స్‌ల కోసం వాడుతున్నారు. అయితే ఇంట్లో వారి వ్య‌క్తిగ‌త జీవితాలు బ‌య‌టి ప్ర‌పంచానికి వెల్ల‌డి అవుతున్నాయి. జూమ్ మీటింగ్‌ల సంద‌ర్భంగా ఇంట్లో వారు ఎలా ఉంటారు, ఏమేం చేస్తారు, ఎలా ప్ర‌వ‌ర్తిస్తారు.. అనేది బ‌య‌టి ప్ర‌పంచానికి తెలుస్తోంది. ఈ క్ర‌మంలోనే జూమ్ మీటింగ్‌ల‌లో ఉన్న కొంద‌రి వీడియోలు ఇప్ప‌టికే వైర‌ల్ కూడా అయ్యాయి. అలాగే తాజాగా ఇంకో వీడియో వైర‌ల్ అవుతోంది.
జూమ్ మీటింగ్‌లో ఓ వ్య‌క్తి వేరే వాళ్ల‌తో వీడియో కాన్ఫ‌రెన్స్‌లో మాట్లాడుతుండ‌గా.. ప‌క్క నుంచి వ‌చ్చిన అత‌ని భార్య అత‌న్ని ముద్దు పెట్టుకోబోయింది. అయితే తాను మీటింగ్‌లో ఉన్నాన‌న్న‌ట్లుగా అత‌ను ఆమెను ఆ ప‌నిచేయ‌కుండా వారించాడు. కాగా ఈ వీడియోను సోష‌ల్ మీడియాలో పారిశ్రామిక వేత్త హ‌ర్ష్ గోయెంగా పోస్ట్ చేయ‌గా.. అది వైర‌ల్‌గా మారింది.
Zoom call …..so funny 😄 😄😄pic.twitter.com/6SV62xukMN
— Harsh Goenka (@hvgoenka) February 19, 2021
Haha. I nominate the lady as the Wife of the Year. And if the husband had been more indulgent and flattered, I would have nominated them for Couple of the Year but he forfeited that because of his grouchiness! @hvgoenka https://t.co/MVCnAM0L3W
— anand mahindra (@anandmahindra) February 19, 2021
ప్ర‌ముఖ పారిశ్రామిక వేత్త, మ‌హీంద్రా గ్రూప్ చైర్మ‌న్ ఆనంద్ మ‌హీంద్రా కూడా ఈ వీడియోపై స్పందించారు. తాను ఆ మ‌హిళ‌కు వైఫ్ ఆఫ్ ది ఇయ‌ర్ అవార్డును అందిస్తాన‌ని, అయితే వారు క‌పుల్ ఆఫ్ ది ఇయ‌ర్ అవార్డును మిస్ చేసుకున్నార‌ని, అందుకు ఆ భ‌ర్తే కార‌ణ‌మ‌ని.. ఆనంద్ మ‌హీంద్రా స‌రదాగా కామెంట్ చేశారు. ఈ క్ర‌మంలో ఆ వీడియోను ఇప్ప‌టికే ఎంతో మంది చూశారు. అనేక మంది భిన్న రకాలుగా కామెంట్లు కూడా చేస్తున్నారు.
