క‌రోనా వైర‌స్ కార‌ణంగా న‌ష్ట‌పోయిన రంగాల్లో సినీ రంగం కూడా ఉంది. తెలుగు సినిమా రంగం ఈ క‌రోనా వైర‌స్ తో దాదాపు 800కోట్ల న‌ష్టాన్ని చ‌వి చూసింద‌ని, దీని అనుబంధ రంగాల న‌ష్టం క‌లుపుకుంటే మ‌రింత పెరుగుతుంద‌ని సినీ వ‌ర్గాలు అంచ‌నా వేస్తున్నాయి. దేశం మొత్తంలో సినిమా రంగానికి 3వేల కోట్ల న‌ష్టం వాటిల్లింద‌ని లెక్క‌గ‌డుతున్నారు.
లాక్ డౌన్ నుండి కొన్ని వ‌ర్గాల‌కు స‌డ‌లింపులు వ‌స్తున్నా… థియేట‌ర్ల‌కు ఇప్ప‌ట్లో స‌డ‌లింపులు వ‌చ్చే అవ‌కాశం క‌న‌ప‌డ‌టం లేదు. కొంత‌కాలం త‌ర్వాత థియేట‌ర్లు తెరుచుకున్నా… జ‌నం ఎంత‌వ‌ర‌కు థియేట‌ర్ల‌కు వ‌చ్చేందుకు ఇష్ట‌ప‌డ‌తారు అన్న‌ది ప్ర‌శ్నార్ధ‌కంగానే ఉంది. భౌతిక దూరం పాటించేలా సీటింగ్ మార్చుతున్నా, అవి పూర్తిస్థాయి ఫ‌లితాలు ఇవ్వ‌వ‌ని థియేట‌ర్లు, మ‌ల్టిఫ్లెక్స్ యాజ‌మాన్యాలే కామెంట్ చేస్తున్నాయి.
ఇలాంటి ప‌రిస్థితుల్లో థియేట‌ర్లు తెరుచుకున్నాక… థియేట‌ర్ల‌లో బీర్, వైన్, బ్రీజ‌ర్ వాడ‌కాన్ని అనుమ‌తించాల‌ని యంగ్ డైరెక్ట‌ర్ అభిప్రాయ‌ప‌డుతున్నాడు. మ‌హానటి ఫేం నాగ్ అశ్విన్ ఈ మేర‌కు ప్ర‌ముక నిర్మాత‌లు సురేష్ బాబు, రానాతో మాట్లాడిన‌ట్లు తెలిపాడు. థియేట‌ర్ల‌లో మ‌ద్యం అమ్మ‌కాలు విదేశాల్లో ఉన్నాయి. ఇక్క‌డ కూడా అనుమ‌తించే అవ‌కాశాన్ని ప‌రిశీలించాలి. అలా అయితేనే థియేట‌ర్లు కాస్త‌యిన న‌డుస్తాయి అంటూ నాగ్ అశ్విన్ స‌ల‌హా ఇస్తున్నాడు.
Once In a talk with suresh babu garu and rana, it came up what if theaters get license to serve beer/breezer/wine, like in other countries..could it increase footfalls…could it save the theater business (which does need saving)…wat do you think? Good idea, bad idea?
— Nag Ashwin (@nagashwin7) May 15, 2020
