కరోనా మహమ్మారి పురుడు పోసుకున్న చైనాలో మరోసారి వైరస్‌ విజృభిస్తోంది. లాక్‌డౌన్‌ల మీద లాక్‌డౌన్‌లు విధిస్తున్నారు. దీంతో ప్రజలు కరోనా కంటే లాక్‌డౌన్‌కే ఎక్కువ భ‌య‌ప‌డిపోతున్నారు. అంతేకాదు, జీరో కరోనా పాలసీతో.. బలవంతంగా కరోనా పరీక్షలు చేయ‌డం క‌ల‌క‌లం రేపుతోంది. బ‌ల‌వంత‌పు కరోనా పరీక్షలు చేస్తున్న వీడియోలు ప్రస్తుతం సోషల్ మీడియాలో తెగ వైరల్ అవుతున్నాయి.
తాజాగా కోవిడ్ టెస్టింగ్ సెంట్ వద్ద ఓ మహిళకు బలవంగా కరోనా పరీక్ష చేస్తున్న వీడియో ఇప్పుడు తెగ వైరల్ అవుతోంది. వైరల్ అవుతున్న ఆ వీడియోలో… ఆమె పరీక్ష చేయించుకోవటానికి నమూనాలు ఇవ్వటానికి సహకరించటంలేదు. దీంతో వైద్య సిబ్బంది ఆమె మీద కూర్చుని మరీ నమూనాలు సేకరిస్తున్నారు. ఈ వీడియో చూసినవారు చైనీయుల పరిస్థితిని తలచుకుని జాలిపడుతున్నారు. చైనాలో పరిస్థితులు ఇంత దారుణంగా ఉన్నాయా అంటూ.. సోషల్ మీడియాలో కామెంట్స్ చేస్తున్నారు.
అయితే ఈ ఘటన చైనాలో ఏ ప్రాంతంలో జరిగిందనేది స్పష్టంగా తెలియదు. కానీ షాంఘైలో కూడా బలవంతంగా కరోనా పరీక్షల కోసం నమూనాలను సేకరిస్తున్న ఘటనలు కూడా ఉన్నాయి. చిన్నా, పెద్ద అనే తేడా లేకుండా అందరి పట్ల అమానుషంగా ప్రవర్తిస్తూ.. కరోనా టెస్ట్‌లు చేస్తున్నారు.
这个强行检测姿势应该让全世界看一看🤬😡 pic.twitter.com/PUwnfCXF4t
— 浩哥i✝️i🇺🇸iA2 (@S7i5FV0JOz6sV3A) April 27, 2022
మరోవైపు, షాంఘైలో ఇబ్బడి ముబ్బడిగా కరోనా కేసులు నమోదవుతున్నాయి. దీంతో అక్కడ కఠినమైన లాక్‌డౌన్‌ను విధించారు. ప్రజల కాళ్లకు సంకెళ్లు వేసినట్టు ఇళ్ల నుంచి కదలకుండా చేశారు. అలాగే, ప్రజలు బయట కనిపిస్తే చాలు ఏదో జంతువులను పట్టుకున్నట్లుగా పట్టుకుని ఐసోలేషన్‌‌లోకి నెట్టేస్తున్నారు. కొన్ని ప్రాంతాల్లో అయితే కరోనా లక్షణాలు లేకున్నా క్వారంటైన్‌లోకి పంపిస్తున్నారు.
Chinese government forcing grandma take a mandatory Covid test pic.twitter.com/tD1aZCdj6v
— Songpinganq (@songpinganq) March 19, 2022
Advertisements
