ప్రభాస్‌తో మోడీ బయోపిక్ ఫస్ట్ లుక్ - young rebel star prabhas to unveil modi biopic man bairagi first look- Tolivelugu

ప్రభాస్‌తో మోడీ బయోపిక్ ఫస్ట్ లుక్

ప్రధానమంత్రి నరేంద్ర మోడీ బయోపిక్ ఫస్ట్ లుక్ రెడీ అయింది. మోడీ చరిత్రను ప్రతీ ఒక్కరికీ తెలిసే విధంగా మన్‌ బైరాగీ టైటిల్‌తో ఓ సినిమా త్వరలో వెండితెరపై సందడి చేయనుంది. ఈ సినిమాకు సంబంధించిన ఫస్ట్‌లుక్‌ను 17న ప్రధాని పుట్టినరోజు సందర్భంగా బాహుబలి ప్రభాస్ విడుదల చేయనున్నారు. ప్రధాని మోడీ జీవితంలో ఇప్పటి వరకూ ఎవరికీ తెలియని విషయాలు ఈ మూవీలో ఉంటాయి.

young rebel star prabhas to unveil modi biopic man bairagi first look, ప్రభాస్‌తో మోడీ బయోపిక్ ఫస్ట్ లుక్

                   ప్రముఖ బాలీవుడ్ దర్శకుడు సంజయ్ లీలా బన్సాలీ ఈ సినిమాకు నిర్మాతగా వ్యవహరిస్తున్నారని తెలుస్తోంది. ఈ సినిమా కథ బాగా నచ్చడంతో బన్సాలీ నిర్మించేందుకు సిద్ధమయ్యారని తెలుస్తోంది. చాలా పరిశోధన చేసి రాసిన ఈ కథలో ప్రధాని యువకుడిగా ఉన్న సమయంలో ఆయన జీవితంలో జరిగిన ముఖ్య మలుపు కీలకం. ఈ చిత్ర కథ అందరికీ నచ్చుతుందని బన్సాలీ నమ్మకం.

మన్‌ బైరాగీ సినిమాకు సంజయ్ త్రిపాఠి దర్శకత్వం వహిస్తున్నారు. సంజయ్ లీలా బన్సాలీతోపాటు ఈ సినిమాను మహావీర్ జైన్ నిర్మిస్తున్నారని తెలుస్తోంది. గతంలో వివేక్ ఓబెరాయ్ ప్రధాన పాత్రలో నటించిన నరేంద్రమోడీ మూవీ  ప్రేక్షకులను అంతగా ఆకట్టుకోలేదు. దాని కంటే ఆసక్తికలిగించే అంశాలతో మన్‌ బైరాగీ రూపొందిస్తున్నారని టాక్.

Share on facebook
Share on twitter
Share on whatsapp