ప్రేమించ‌లేద‌ని చంపేశాడు!

రోజురోజుకి ఆడ‌పిల్ల‌ల మీద ఆరాచ‌కాలు పెరిగిపోతున్నాయ‌ని చెప్ప‌డానికి కాకినాడ‌లో జ‌రిగిన ఘ‌ట‌నే నిద‌ర్శ‌నం. తన ప్రేమను నిరాకరించిందని ఓ యువతిని హతమార్చాడు ఓ ప్రేమోన్మాది. అసలేం జరిగిందంటే..ప్రేమించడం లేదని ఓ యువతిని దారికాసి గొంతుకోసి చంపేశాడో యువకుడు.

ఏపీలోని కాకినాడ జిల్లా కూరాడకు చెందిన యువతిని కొంతకాలంగా అదే గ్రామానికి చెందిన గుబ్బల వెంకట సూర్యనారాయణ.. ప్రేమించాలంటూ ఓ యువతి వెంట పడేవాడు. కానీ ఆ యువతి అందుకు నిరాకరించింది. దీంతో ఆమెపై కోపాన్ని పెంచుకున్న యువకుడు.

ఇవాళ కూరాడ-కాండ్రేగుల గ్రామాల మధ్య దారి కాచాడు. ఆ మార్గంలో యువతి నడిచి వెళ్తుండగా కత్తితో ఆమె గొంతు కోశాడు. కొనఊపిరితో కొట్టుమిట్టాడుతున్న యువతిని స్థానికులు చూసి.. 108 అంబులెన్స్​కు ఫోన్ చేశారు. కానీ అంబులెన్స్ వచ్చేసరికి యువతి ప్రాణం పోయింది.

పారిపోయేందుకు యత్నించిన యువకుడిని.. చెట్టుకు కట్టేసి స్థానికులు చితకబాదారు. అనంతరం పోలీసులకు సమాచారం ఇచ్చారు. సంఘటనా స్థలానికి చేరుకున్న పోలీసులు యువకుడిని అదుపులో తీసుకున్నారు.