ప్ర‌స్తుతం ర‌క‌ర‌కాల ఫుడ్ డెలివరీ యాప్ లు అందుబాటులోకి వ‌చ్చిన త‌రువాత భోజ‌నం గురించి అంత‌గా కంగారు ప‌డాల్సిన అవ‌స‌రం లేకుండా పోయింది. ఎందుకంటే కోరుకున్న భోజ‌నం కేవ‌లం కొద్ది స‌మ‌యంలోనే మ‌న క‌ళ్ల‌ముందుకు ప్ర‌త్య‌క్ష‌మ‌వుతోంది.
ఈ యాప్ ల ద్వారా ఎంతో మంది డెలివరీ బాయ్స్ ఉపాధి పొందుతున్నారు. అలా ఫుడ్ డెలివరీ చేసే బాయ్స్ లో ఓ యాప్ కంపెనీ సీఈవో కూడా ఉంటున్నారంట. ఇంత‌కీ ఆయ‌నెవ‌ర‌నుకుంటున్నారు. జొమాటో చీఫ్ ఎగ్జిక్యూటివ్ ఆఫీస‌ర్ దీపిందర్ గోయల్. ఆయ‌న ప్ర‌తీ మూడు నెల‌ల‌కొక‌సారి మిగ‌తా డెలివరీ బాయ్స్ లాగానే డ్రెసప్ అయ్యి ఫుడ్ డెలివరీ చేస్తున్నారంట.
ఈ విష‌యం చాలా మందికి తెలియ‌దు. ఈ విష‌యాన్ని నౌక‌రీ డాట్ కామ్ ఎగ్జిక్యూటివ్ వైస్ ఛైర్మ‌న్ సంజీవ్ బిఖ్ చందానీ వెల్ల‌డించారు. ఇటీవ‌ల జ‌రిపిన ఒక సంభాష‌ణ‌లో దీపిందర్ గోయల్ త‌న‌కు ఈ విష‌యం స్వ‌యంగా వెల్ల‌డించార‌ని చందానీ పేర్కొన్నారు.
ఎరుపు రంగు జొమాటో టీ షర్ట్ ని ధరించి.. మోటార్‌సైకిల్‌పై ఎక్కి ఫుడ్ డెలివరీ చేస్తున్నానని దీపిందర్ గోయల్ చెప్పారట. ఆయనే కాదు అదే తరహాలో సీనియర్ మేనేజర్‌లందరూ డ్రెస్సప్ చేసుకొని ఫుడ్ డెలివరీ చేస్తున్నారని తెలిపారట. అలా మూడు నెలలకు ఒకసారి తమ జీవితంలో ఒక రోజును అలా గడుపుతున్నారని సంజీవ్ బిఖ్ చందానీ స్పష్టం చేశారు.
కానీ ఇంతవరకూ ఎవరూ తనను గుర్తించలేదని దీపిందర్ తనతో చెప్పినట్టు బిఖ్ చందానీ తెలిపారు. ఈ విషయంపై సంజీవ్ బిఖ్ చందానీ చేసిన ట్వీట్ ఇప్పుడు సోషల్ మీడియాలో వైరల్ గా మారింది. దీంతో దీపిందర్ గోయల్ పై పలువురు ప్రశంసలు కురిపిస్తున్నారు.
Just met @deepigoyal and the @zomato team. Delighted to learn that all senior managers including Deepinder don a red Zomato tee, get onto a motorcycle and spend a day delivering orders themselves at least once a quarter. Deepinder tells me that thus far nobody has recognised him
— Sanjeev Bikhchandani (@sbikh) October 7, 2022